ᐃᖅᑲᓇᐃᔭᖅᑐᓕᕆᓂᖅ ᐊᒻᒪᓗ ᐱᔭᕆᐅᖅᓴᑎᑦᑎᕕᒃ
ᐃᒪᓐᓇ ᐱᓕᕆᕙᒃᑐᒍᑦ
ᐅᑯᐊ ᐃᖅᑲᓇᐃᔭᖅᑐᓕᕆᓂᖅ ᐊᒻᒪᓗ ᐱᔭᕆᐅᖅᓴᑎᑦᑎᕕᒃ ᐃᑲᔪᖅᑐᖅ ᓴᓇᔭᕆᐊᖃᖅᑐᓄᑦ, ᑳᓐᑐᕌᒃᑎᑦ ᐊᒻᒪ ᑲᒻᐸᓂᑦ ᐃᖅᑲᓇᐃᔭᖅᑎᑖᕈᒪᔪᓂᒃ, ᐱᔭᕆᐅᖅᓴᑎᑦᑎᖃᑦᑕᖅᑐᒍᑦ ᐊᒻᒪᓗ ᐃᖅᑲᓇᐃᔭᕐᑎᑦᑎᓪᓗᑕ ᓄᓇᓕᖕᓂᒃ ᐊᒻᒪᓗ ᐃᓄᖕᓂᒃ. ᓂᕿᓂᒃ ᓴᓇᖃᑦᑕᖅᑐᒍᑦ ᓂᕆᔭᒃᓴᓂᒃ, ᐃᒡᓗᓕᒃ ᓴᓗᒻᒪᖅᓴᐃᕙᒃᑐᒍᑦ ᐊᒻᒪᓗ ᐊᓯᖏᓐᓂᒃ ᐊᖏᔪᓂᒃ ᐃᓄᑭᑦᑐᑦ ᐃᓂᖏᑦ ᐱᔨᑦᑎᕋᖅᖢᒋᑦ ᐅᔭᕋᖕᓂᐊᕐᕕᓪᓗ ᓇᓂᑐᐃᓐᓇᖅ ᓄᓇᕗᒻᒥ.
ᖃᓄᖅ ᐱᓕᕆᕙᒃᑕᕗᑦ
ᐱᕈᖅᑐᒍᑦ ᐊᒻᒪᓗ ᐱᐅᓯᕚᓪᓕᖅᓯᒪᔪᖅ ᐃᓄᖕᓂᒃ ᐃᖅᑲᓇᐃᔭᕐᑎᖃᕐᓂᖅ
ᐊᒥᓱᑦ ᑲᒻᐸᓂᐅᔪᑦ ᓇᓗᓕᐅᖃᖃᑦᑕᕐᒪᑕ ᓇᑭᑦ ᑳᓐᑐᕌᒃᓯᓂᐊᕆᐊᒃᓴᖅ ᐊᑐᕆᐊᖃᖅᑎᑕᐅᓪᓗᑎᒃ ᐃᓄᖕᓂᒃ ᐊᒻᒪᓗ ᓄᓇᓕᖕᓂᒃ ᓴᓇᔨᑖᕐᓗᑎᒃ ᑕᐃᑲᓂᓗ ᓴᒡᕙᐃᔪᖃᖅᓯᒪᑎᓪᓗᒍ ᐱᔭᒃᓴᓂᒃ ᐊᒻᒪᓗ ᐱᔭᕐᓂᕆᔭᐅᕙᒐᑎᒃ ᑕᐃᑲᓂ ᓴᓇᔭᐅᓪᓚᕆᓕᖅᑎᓪᓗᒋᑦ ᓴᓇᔭᕆᐊᓕᑦ. ᑕᒫᓃᑉᐳᒍᑦ ᑕᐃᒪᓐᓇᐅᔪᓐᓃᕐᓂᐊᕐᒪᑕ. ᐸᕐᓇᐃᕙᒃᑐᒍᑦ ᐊᒻᒪᓗ ᑲᒪᒋᓪᓗᒋᑦ ᐃᖅᑲᓇᐃᔭᕐᑎᑦᑎᓂᖅ ᑕᒪᑐᒧᖓᓗ ᐱᔭᒃᓴᑦ ᖃᓄᐃᖏᑦᑎᐊᕋᓗᐊᕐᒪᖔᑕ. ᓇᓪᓕᐊᖕᓂᒃ ᐱᔭᐅᔪᒪᔪᓂᒃ ᓴᓇᔪᓐᓇᖅᑕᐅᔪᓄᑦ ᐱᑕᖃᕆᐊᖃᓲᖑᒫᑕ, ᐸᕐᓇᐃᕗᒍᑦ, ᑲᒪᒋᓪᓗᒋᑦ ᐊᒻᒪᓗ ᑐᓂᓯᒪᓪᓗᒋᑦ ᑕᒪᒃᑯᓄᖓ ᐃᓕᓐᓂᐊᕆᐊᖃᖅᑕᖏᓐᓂᒃ ᐊᔪᕆᓐᓃᑦᑎᐊᕐᓂᐊᕐᒪᑕ ᐊᒻᒪᓗ ᓴᓇᔪᓐᓇᑦᑎᐊᓕᕐᓗᑎᒃ ᓴᓇᖃᑎᒌᖕᓂ ᐃᒡᕕᑦ ᓴᓇᔭᐅᖁᔭᖏᓐᓄᑦ.
ᐃᑲᔪᖅᑐᒍᑦ ᐃᓕᓐᓂᐊᖅᑎᑕᐅᔪᓂᒃ ᓴᓇᓪᓗᑎᒃ ᐊᒻᒪᓗ ᓄᓇᓕᖕᓂ ᓴᓇᔨᓂᒃ ᑕᒪᒃᑯᓇᖓᑦ ᐱᒋᐊᓂᖓᓂᑦ ᐃᓱᐊᓄᑦ. ᑲᒪᒋᑦᑎᐊᑦᐸᒃᑕᕗᑦ ᓄᓇᑦᑎᓐᓂ ᓴᓇᔨᑦ ᖃᓂᒪᖁᓐᓇᒋᑦ, ᖁᕕᐊᓱᒃᑎᓪᓗᒋᑦ ᐊᒻᒪᓗ ᐱᕈᖅᐸᓪᓕᐊᑎᑦᑎᐊᖅᖢᒋᑦ ᐊᓯᖏᓐᓂᒃ ᐱᓕᕆᔪᓐᓇᖅᓯᓂᐊᕐᒪᑕ. ᓴᓇᖃᑎᒋᔭᕗᑦ ᐃᓄᐃᑦ ᐊᑐᓂ ᖃᐅᔨᑦᑎᐊᕐᓗᒋᑦ ᑭᓱᓂᒃ ᐃᓕᓐᓂᐊᕈᒪᖕᒪᖔᑕ ᐊᒻᒪᓗ ᐃᖅᑲᓇᐃᔮᕆᔪᒪᔭᖏᑦ ᐃᓕᓐᓂᐊᕆᐊᖃᖅᑕᖏᑦ.
ᑐᕌᕆᔭᕗᑦ ᐱᓯᒪᐃᓐᓇᕐᓗᑎᒍᑦ ᐃᖅᑲᓇᐃᔭᖅᑐᑦ ᐊᖏᖅᓯᒪᑦᑎᐊᕐᒪᑕ ᐊᒻᒪᓗ ᐃᖅᑲᓇᐃᔭᖅᑎᑖᕆᕙᓪᓕᐊᓗᒋᑦ ᓴᓇᕕᑦᓯᓐᓄᑦ ᑲᔪᓯᑦᑎᐊᕈᓐᓇᕐᓂᐊᕐᒪᑕ ᐃᒡᕕᑦ ᐱᓕᕆᐊᕆᔭᓂ ᐊᒻᒪᓗ ᑎᑭᐅᑎᓯᒪᓗᑎᑦ ᑳᓐᑐᕌᒃᓯᒪᔭᕆᐊᖃᕐᓃᑦ ᐃᓄᖕᓂᒃ ᓄᓇᓕᖕᓂ ᐃᖅᑲᓇᐃᔭᕐᑎᑦᑎᔭᕆᐊᖃᕐᓃᑦ.
