ᑑᓚᐃᖃᕐᕕᑦ ᐃᓂᖏᑕ ᐊᕙᑎᖏᑦ ᓴᓗᒻᒪᖅᓴᖅᑕᐅᓗᑎᒃ ᓄᑖᕈᖅᑎᑕᐅᓪᓗᑎᒃ

ᓴᓇᔭᐅᔪᖅ ᑭᓱᓕᕆᕙ

ᕿᑭᖅᑖᓗᒃ ᑯᐊᐳᕆᓴᓐ ᐊᖏᓛᖑᓯᒪᕗᖅ ᐃᓚᐅᓪᓗᑎᒃ ᐅᓄᓛᓄᑦ ᐊᕙᑎᑦᑎᓂᒃ ᐱᔭᒃᓴᖃᖅᖢᑎᒃ ᐱᓕᕆᐊᖑᔪᓂᒃ ᑲᓇᑕᐅᑉ ᒐᕙᒪᒃᑯᖏᓐᓂᑦ – ᓄᓇᒥᒃ ᓄᑖᖑᖅᑎᑦᑎᕆᓂᖅ ᐃᓂᑐᖃᖓᓄᑦ ᐅᑎᖅᑎᕆᓂᖅ ᑑᓛᐃᖃᕐᕕᖕᓂᒃ.

ᐊᕙᑖᓂ 1998 ᐊᒻᒪᓗ 2013 ᕿᑭᖅᑖᓗᒃ ᑯᐊᐳᕆᓴᓐ ᓵᓚᖃᓚᐅᖅᑐᖅ ᐊᑭᑦᑐᕋᐅᑎᑦᑎᒍᑦ ᑕᒪᐃᓐᓂᒃ ᓄᓇᒥᒃ ᐃᓂᑐᖃᖓᓂᒃ ᓴᓇᔭᒃᓴᓂᒃ ᐊᒻᒪᓗ ᑕᖕᒫᖅᓯᒪᕕᐅᓂᐊᖅᑐᓄᑦ ᐱᔨᑦᑎᕋᕐᓂᖅ ᐊᔾᔨᒌᓐᖏᑦᑐᓂ ᑑᓚᐃᖃᕐᕕᖕᓂᒃ ᑲᓇᖕᓇᖓᓂ ᐅᑭᐅᖅᑕᖅᑐᖅ. ᕿᑭᖅᑖᓗᒃ ᑯᐊᐳᕆᓴᓐ ᐊᒻᒪᓗ ᑭᖑᓂᐊᖑᑦ ᕿᑭᖅᑖᓗᒃ ᓇᖕᒥᓂᖁᑎᑦ ᑎᒥᖓ ᐊᒻᒪᓗ ᕿᑭᖅᑖᓗᒃ ᐊᕙᑎᓕᕆᔨᒃᑯᑦ ᓯᕗᓕᐅᖅᑎᓯᒪᕗᑦ ᖃᓄᐃᓕᐅᕆᐊᖃᖅᑐᓄᑦ, ᓄᓇᒥᒃ ᐃᓂᑐᖃᖓᓄᑦ ᐋᕿᒃᓱᐃᓂᖅ ᐊᒻᒪᓗ ᐊᑦᑕᕐᓇᖅᑐᑦ ᑐᖁᓐᓇᖅᑐᓕᑦ ᐊᒃᑕᖅᑕᐅᑎᓪᓗᒋᑦ.

ᑖᒃᑯᓄᖓ ᐱᓕᕆᐊᖑᔪᓄᑦ, ᕿᑭᖅᑖᓗᒃ ᑯᐊᐳᕆᓴᓐ ᐊᑐᖅᓯᓚᐅᖅᑐᖅ ᐊᑯᓂᐅᔪᓂᒃ ᐊᒃᑐᐃᓂᖃᕈᓐᓇᖅᑐᓂᒃ ᐊᒻᒪᓗ ᐃᓕᓴᕆᔭᐅᓗᑎᒃ ᐱᐅᓂᖅᐹᒥᒃ ᐱᓕᕆᓂᖏᓐᓄᑦ. ᐃᓄᐃᑦ ᐱᔪᓐᓇᖅᑕᖏᑦ ᐋᕿᒃᓱᖅᐸᓪᓕᐊᓗᒋᑦ ᐊᒻᒪᓗ ᓴᓇᔪᓐᓇᖅᓯᑎᑦᑎᐊᕐᓗᒋᑦ ᐃᖅᑲᓇᐃᔭᖅᑎᑦᑎᓗᑕ ᖃᐅᔨᒪᔭᐅᓕᑦᑎᐊᕐᓂᐊᕐᒪᑕ ᐃᓄᐃᑦ ᐃᓚᖏᓂᖏᓐᓂᒃ ᓴᓇᔭᐅᔪᓂ. ᐅᓇ ᐋᕿᒃᓯᒪᓂᖓ ᑕᐃᒪᓐᓇᐃᓕᔪᖅ ᑎᑭᐅᑎᕙᓪᓕᐊᑎᐊᕋᑦᑕ ᐅᓄᕐᓂᖅᓴᐅᓗᑎᒃ ᐃᓄᐃᑦ ᐃᖅᑲᓇᐃᔭᖅᑐᑦ ᑖᒃᑯᓇᖓᑦ ᑐᒃᓯᕋᖅᑕᐅᕋᓗᐊᖏᓐᓂᑦ ᓴᓇᔭᒃᓴᓄᑦ ᐊᑭᑦᑐᕋᐅᑎᑦᑎᒍᑦ. ᐊᒥᓱᑦ ᓴᓇᔭᐅᔪᑦ ᐅᓄᕐᓂᖅᓴᐅᖃᑦᑕᖅᑐᑦ ᐃᓄᐃᑦ ᐅᖓᓵᓕ 95% ᓴᓇᔭᐅᔪᓂ ᐊᑭᓕᖅᓱᖅᑕᐅᔪᑦ.

2006-ᒥ, ᕼᐋᓕ ᕙᓚᐅᕋᑎ, ᑕᐃᔅᓱᒪᓂ ᐱᓕᕆᐊᒃᓴᓄᑦ ᑐᑭᒧᐊᒃᑎᐅᓪᓗᓂ ᐊᒥᓱᓄᑦ ᑳᓐᑐᕌᖕᓄᑦ, ᑐᓂᔭᐅᓚᐅᖅᑐᖅ ᒥᓂᔅᑕ ᑐᖏᓕᖓᑕ ᐅᐱᒋᔾᔪᑎᖏᑦ ᐊᒻᒪᓗ ᐃᓕᓴᕆᔭᐅᔾᔪᑎᖏᑦ ᐱᔨᑦᑎᕋᑦᑎᐊᕐᓂᖏᓐᓄᑦ ᐃᓄᓕᕆᔨᑐᖃᒃᑯᓂᑦ ᑲᓇᑕ ᐃᓕᓴᕆᔭᐅᓪᓗᓂ ᐅᓄᖅᓯᑎᑦᑎᓯᒪᓂᖓᓄ ᐊᒻᒪᓗ ᖃᐅᔨᒪᔭᐅᓕᕐᑎᑦᑎᐊᕐᓂᖓᓄᑦ ᐃᓄᖕᓂᒃ ᐃᓚᐅᑎᑦᑎᓪᓗᓂ ᐊᒻᒪᓗ ᐃᖅᑲᓇᐃᔮᒃᓴᓄᑦ ᐃᓕᓐᓂᐊᕈᑎᑦ ᐱᕙᓪᓕᐊᑎᓪᓗᒋᑦ.

ᑕᐃᑲᓂ ᓴᓗᒻᒪᖅᓴᐃᑎᓪᓗᒋᑦ, ᕿᑭᖅᑖᓗᒃ ᑯᐊᐳᕆᓴᓐ ᓇᓂᓯᓚᐅᖅᑐᖅ ᐱᕕᖃᕐᑎᑦᑎᓪᓗᑎᒃ ᑐᓂᓯᓯᒪᔪᒪᓪᓗᑎᒃ ᖃᓂᒋᔭᒥᖕᓂ ᓄᓇᓕᖕᓂ. ᑕᐃᑲᓂ 2010, ᕿᑭᖅᑖᓗᒃ ᑯᐊᐳᕆᓴᓐ ᐃᑳᕈᑎᓕᐅᓚᐅᖅᑐᖅ ᑲᖏᖅᖢᒑᐱᖕᒥ ᐊᒻᒪᓗ ᐱᓕᕆᐊᖃᓚᐅᖅᑐᑦ ᐊᒥᓱᓂᒃ ᐱᔭᕆᐅᖅᓴᑎᑦᑎᔾᔪᑎᓂᒃ ᐋᕿᒃᓱᖅᖢᒋᑦ ᓄᓇᓕᖕᓂ ᓴᓇᔪᓐᓇᖅᓯᓂᐊᕐᒪᑕ ᓯᕗᓂᒃᓴᑦᑎᓐᓂ ᐃᖅᑲᓇᐃᔮᒃᓴᓄᑦ.

ᑐᑭᓯᒃᑲᓐᓂᕈᒪᒍᕕᑦ ᑕᒪᑐᒥᖓ ᐱᕙᑎᓕᕆᓂᒃᑯᑦ ᐱᓕᕆᐊᖑᔪᑦ ᐅᕗᖓ ᑎᑎᕋᕐᓗᑎᑦ qil@qcorp.ca