ᐊᑭᑐᓗᐊᓐᖏᑦᑐᒃᑯᑦ ᓇᖕᒥᓂᖁᑎᒥᖕᓂᒃ ᐃᒡᓗᖃᕐᓂᖅ

ᓴᓇᔭᐅᔪᖅ ᑭᓱᓕᕆᕙ

ᐃᒡᓗᑭᒃᓴᕐᒪᑕ ᑕᒪᓐᓇ ᑐᐊᕕᕐᓇᖅᑑᓕᖅᑐᖅ ᓄᓇᕗᒻᒥ. ᐅᓇ ᑐᓴᕕᕐᓇᖅᓯᔪᖅ ᑲᔪᓯᔪᒥᒃ ᐃᓄᒋᐊᒃᓯᕙᓪᓕᐊᖕᒪᑕ ᓱᑲᔪᒥᒃ ᑕᐃᒪᖓᓂ ᖁᓕᑦ ᐊᕐᕌᒍᑦ ᓈᓴᖅᑕᐅᓯᒪᔪᑎᒍᑦ ᐃᑲᔪᕆᐊᖃᖅᐳᒍᑦ ᑐᐊᕕᕐᓇᕐᓂᖓᓄᑦ ᐱᓕᕆᓗᑕ.

ᐃᒡᓗᑭᒃᓴᕐᓂᖅ ᐅᓇ ᐊᖏᓛᒥᒃ ᑐᓗᖅᑕᐅᑕᐅᕗᖅ ᐊᔪᓕᕐᑎᑦᑎᓯᒪᔪᖅ ᓴᖕᖏᓂᖅᑖᑦᑎᑦᑎᔭᕆᐊᒃᓴᖅ ᐃᓄᖕᓂᒃ ᐊᒻᒪᓗ ᒪᑭᒪᔾᔪᑎᒃᓴᓄᑦ ᐊᒻᒪᓗ ᐃᓅᓯᕐᒥ ᐱᕈᖅᐸᓪᓕᐊᕈᑎᒃᓴᓄᑦ ᓄᓇᕗᒻᒥ. ᐅᖓᑖᓂ 50 ᐳᓴᑎ ᐃᓄᐃᑦ ᐃᒡᓗᖃᖅᑐᑦ ᒐᕙᒪᒃᑯᑦ ᐃᒃᓗᖑᑎᖏᓐᓂ ᐊᒻᒪᓗ ᒪᓕᒡᖢᒍ ᓇᓕᐊᒃ ᓄᓇᓕᒃ ᑎᑭᐅᑎᓯᒪᕗᑦ 75% ᒐᕙᒪᒃᑯᓂ ᐃᒃᓗᖃᖅᑎᑕᐅᔪᑦ ᑕᑖᓗᐊᖅᑐᑦ ᐃᓄᒋᐊᓗᐊᒧᑦ.

ᐃᒡᓗᑭᒃᓴᕐᓂᖅ ᐊᔪᕐᑎᑦᑎᕗᖅ ᐃᖅᑲᓇᐃᔮᖃᕆᐊᒃᓴᖅ, ᐃᓕᓐᓂᐊᕆᐊᒃᓴᖅ, ᐊᒻᒪᓗ ᐋᓐᓂᐊᕕᖕᓂ ᐃᑲᔪᖅᑕᐅᔭᕆᐊᒃᓴᖅ. ᐃᒻᒥᑯᑦ ᐃᒡᓗᖁᑎᖃᕐᓂᖅ 20%-ᑐᐃᓐᓇᐅᔪᖅ ᑕᒪᕐᒥᒃ ᐃᒡᓗᒋᔭᐅᔪᓂᑦ ᓄᓇᕗᒻᒥ. ᐅᓇ ᐊᖏᔪᒥᒃ ᑭᖑᕙᖅᓯᒪᓂᖃᖅᑐᖅ ᒪᓕᒡᖢᒍ ᑕᐃᒪᓐᓇᐅᔪᑦ ᑲᓇᑕᒥ ᑖᒃᑯᐊᓕ 68%-ᒥᒃ ᓇᖕᒥᓂ ᐊᖏᕐᕋᖁᑎᖃᖅᑐᑦ ᐱᑖᕐᐸᓪᓕᐊᓂᖏᑦ ᒪᓕᒡᓗᒋᑦ. ᐊᒥᓱᓄᑦ, ᐅᓇ ᓅᑉᐸᓪᓕᐊᓂᖅ ᐊᓯᕈᖅᐸᓪᓕᐊᓂᖅ ᒐᕙᒪᒃᑯᓂᑦ ᐅᒡᕙᓘᓐᓃᑦ ᐃᖅᑲᓇᐃᔮᒧᑦ ᐃᒡᓗᖃᕐᓂᖅ ᑕᒪᑐᒧᖓ ᓇᖕᒥᓂᖁᑎᑖᖅᐸᓪᓕᐊᓗᑎᒃ ᑕᐃᒪᓗ ᐊᔪᕐᓇᖅᑐᖅ ᐊᒥᓲᓐᖏᒻᒪᑕ ᐊᑭᓖᔪᓐᓇᖅᑐᑦ ᐃᒡᓗᒃᓴᒥᖕᓄᑦ ᓇᖕᒥᓂᒃᓴᒥᖕᓄᑦ ᐱᕙᓪᓕᐊᔭᕆᐊᒃᓴᖅ ᐊᒻᒪᓗ ᐊᔪᖏᑦᑕᕌᖓᒥᒃ, ᐃᒻᒥᒃᑰᖅᑐᓂᑦ ᓂᐅᕐᕈᑎᓂᒃ ᐱᑕᖃᓐᖏᑦᑎᐊᖅᑐᖅ ᑕᒪᐃᓐᓂ ᓄᓇᓕᖕᓂ.

ᕿᑭᖅᑖᓗᒃ ᑯᐊᐳᕆᓴᓐ, ᑖᒃᑯᑎᒍᑦ ᓇᖕᒥᓂᖁᑎᖓᑦ ᕿᑭᖅᑖᓗᑦ ᓇᖕᒥᓂᖁᑎᓕᖕᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕆᓴᓐ, ᐃᑲᔪᓚᐅᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓ ᐱᕚᓪᓕᕐᑎᑦᑎᓂᕐᒧᑦ ᐃᓄᖕᓂᑦ- ᐃᖏᕐᕋᑎᑕᐅᔪᓂᒃ ᐃᒡᓗᒃᓴᓄᑦ ᐸᕐᓇᐅᑎᑦ ᐊᑐᖅᑕᐅᓂᐊᖅᑐᓂᒃ ᐊᖏᕐᕋᖁᑎᖃᕐᓂᐊᖅᑐᑦ ᐊᒻᒪᓗ ᓇᑉᐸᔪᓐᓇᖅᑐᖅ ᓄᖑᕈᑎᕙᓐᖏᓪᓗᓂ ᐊᒻᒪᓗ ᐊᑭᑐᓗᐊᓐᖏᓪᓗᓂ ᑖᒃᑯᐊ ᑲᔪᓯᑦᑎᐊᕈᑕᐅᔪᓐᓇᖅᑐᑦ ᓇᓗᓇᐃᖏᑦᑐᖅ.