ᑮᓇᐅᔭᓕᕆᔨᒻᒪᕆᒃ

ᐃᖅᑲᓇᐃᔮᒃᓴᖅ ᒪᑐᐃᖓᔪᖅ

ᑮᓇᐅᔭᓕᕆᔨᒻᒪᕆᒃ

ᐅᓂᒃᑳᖃᑦᑕᕐᓗᑎᑦ ᑐᓐᖓᕕᐅᔪᓄᑦ ᑮᓇᐅᔭᓕᕆᔨᒻᒪᕆᒃ, ᐅᓇ ᐃᖅᑲᓇᐃᔮᕆᓗᒍ ᓴᓇᖃᑎᖃᕐᓂᐊᖅᑐᑎᑦ ᐱᓇᓱᐊᖃᑎᒌᒃᑐᓂᒃ ᑐᓂᔭᐅᑦᑎᐊᕋᓗᐊᕐᒪᖔᑕ ᑕᕿᑕᒫᑦ ᑮᓇᐅᔭᓕᕆᔾᔪᑕᐅᔪᓄᑦ ᑎᑎᖃᖏᑦ, ᐃᖏᕐᕋᓂᖓ ᐊᒻᒪᓗ ᓇᓕᖃᕇᒍᓐᓇᓐᖏᑦᑐᑦ ᐅᓂᒃᑳᖏᑦ, ᑳᓯ ᐃᖏᕐᕋᓂᕆᓂᐊᖅᑕᖏᑦ ᐊᒻᒪᓗ ᐊᓯᖏᑦ ᐊᑑᑎᖃᖅᑐᑦ ᑮᓇᐅᔭᓕᕆᔾᔪᑕᐅᔪᓄᑦ ᖃᐅᔨᒪᔭᐅᔭᕆᐊᖃᖅᑐᑦ. ᑮᓇᐅᔭᓕᕆᔨᒻᒪᕆᒃ ᐱᓕᕆᓂᐊᖅᑕᖏᑦ ᐃᖅᑲᓇᐃᔮᕐᒥᒍᑦ ᑲᔪᓯᑦᑎᐊᕆᐊᓕᑦ ᐊᐅᓚᑦᓯᔨᑦᑎᓐᓄᑦ ᐊᑑᑎᖃᑦᑎᐊᖅᑐᒥᒃ ᐊᐅᓚᑦᑎᓂᖅ ᐱᓕᕆᐊᖑᔪᓄᑦ ᑮᓇᐅᔭᓕᕆᔾᔪᑕᐅᔪᑦ ᐱᓕᕆᐊᕆᓗᒋᑦ.

ᐱᔭᒃᓴᑎᑦ ᐅᑯᐊ ᐃᓚᒋᔭᐅᔪᑦ:

ᑐᑭᒧᐊᒃᑎᑦᑎᓂᖅ ᑮᓇᐅᔭᓕᕆᓂᕐᒧᑦ ᐃᓱᒪᓕᐅᕆᔭᕆᐊᖃᖅᑐᖅ ᓴᕿᑦᑎᓗᓂ, ᒥᐊᓂᕆᓗᓂ, ᐊᒻᒪᓗ ᒪᓕᒃᑕᐅᑎᑦᑎᓗᓂ ᐊᑐᐊᒐᕐᓂᒃ ᐊᒻᒪᓗ ᐱᐅᓯᕆᔭᐅᔪᓂᒃ;

• ᓴᐳᒻᒥᓗᒋᑦ ᐱᖁᑎᑦ ᓴᕿᑦᑎᕙᓪᓕᐊᓗᑎᒃ, ᒥᐊᓂᕆᓗᑎᒃ, ᐊᒻᒪᓗ ᐊᓕᒃᑕᐅᑎᑦᑎᓗᑎᒃ ᐃᒻᒥᒍᑦ ᐊᐅᓚᑦᑕᕆᐊᓕᑦ;
• ᑎᑎᕋᖅᐸᓪᓕᐊᓗᒋᑦ ᑮᓇᐅᔭᖅᑑᑎᒃᓴᐃᑦ ᓴᕿᑦᑕᕆᐊᖃᖅᑐᑦ ᖃᖓᒃᑯᑦ;
• ᐊᑭᓖᑎᑦᑎᓇᓱᐊᕐᓂᖅ,ᖃᐅᔨᓴᕐᓂᖅ, ᐊᒻᒪᓗ ᑲᑎᑦᑎᕆᓂᖅ ᑮᓇᐅᔭᓕᕆᔾᔪᑕᐅᔪᑦ ᑎᑎᖃᖏᓐᓂᒃ;
• ᑎᑎᕋᖅᐸᓪᓕᐊᓗᒋᑦ ᐅᓂᒃᑳᑦ ᓄᐊᑦᑎᓗᑎᑦ, ᖃᐅᔨᓴᑦᑎᐊᕐᓗᒋᑦ, ᐊᒻᒪᓗ ᓇᐃᓈᕐᓗᒋᑦ ᖃᐅᔨᒪᔭᐅᔭᕆᐊᖃᖅᑐᑦ ᐊᒻᒪᓗ ᐊᓯᕈᖅᑕᖃᑦᑕᖅᑐᑦ;
• ᐊᐅᓚᑦᑎᓂᖅ ᐊᒻᒪᓗ ᓴᓇᕙᓪᓕᐊᓂᖅ ᑕᒪᐃᓐᓂᒃ ᖃᓄᐃᓕᐅᖅᑐᓄᑦ ᐊᑭᓖᔾᔪᑎᒃᓴᓂᑦ ᐊᒻᒪᓗ ᐃᑲᔫᓯᐊᒃᓴᓂᑦ ᑭᖑᕙᖅᓯᒪᓂᖃᓐᖏᑦᑎᐊᕐᓗᑎᒃ;
• ᑎᑎᕋᕐᓗᒋᑦ ᐊᒻᒪᓗ ᐱᓕᕆᖃᑦᑕᕐᓗᒋᑦ ᒪᕐᕈᐃᖅᑐᑦ- ᐱᓇᓱᐊᕈᓯᕐᒥ ᐃᖅᑲᓇᐃᔭᖅᑎᑦ ᑮᓇᐅᔭᒃᓴᐃᑦ ᐊᒻᒪᓗ ᐊᓯᖏᑦ ᐊᑭᓕᕆᐊᓕᑦ ᐅᒡᕙᓘᓐᓃᑦ ᐃᖅᑲᓇᐃᔭᖅᑎᑦ ᑮᓇᐅᔭᒃᓴᖏᓐᓄᑦ ᐊᑕᔪᑦ ᖃᓄᐃᓕᐅᕈᑎᖏᑦ;
• ᐋᕿᑦᑎᐊᖅᓯᒪᐃᓐᓇᕐᓗᒋᑦ ᐊᑭᓕᖅᓱᕆᐊᓕᑦ ᐊᒻᒪᓗ ᐃᓯᕆᐊᓕᑦ ᑎᑎᕋᖅᐸᓪᓕᐊᓗᒋᑦ ᐊᑯᓚᐃᖅᑐᒥᒃ ᒫᓐᓇᒨᖓᓕᖅᑎᖃᑦᑕᕐᓗᒋᑦ, ᑕᒻᒪᖅᓯᒪᓐᖏᒃᑲᓗᐊᕐᒪᖔᑕ ᖃᐅᔨᓴᕐᓗᒋᑦ, ᐊᔾᔨᒌᓕᕐᑎᑦᑎᐊᕐᓗᒋᑦ ᒪᓕᒃᑎᒌᓕᕐᑎᑦᑎᐊᕐᓗᒋᑦ ᑮᓇᐅᔭᑯᕕᖏᓐᓂᑦ ᓈᓴᐅᓯᕆᔾᔪᑕᐅᔪᑦ ᐊᒻᒪᓗ ᓇᓗᓇᐃᒃᑯᓯᖅᓱᕐᓗᒋᑦ;
• ᑕᕿᑕᒫᑦ ᐊᔾᔨᒌᓕᕐᑎᑦᑎᐊᕐᓗᒋᑦ ᒪᓕᒃᑎᒌᓕᕐᑎᑦᑎᐊᕐᓗᒋᑦ ᑮᓇᐅᔭᑯᕕᖏᓐᓂᑦ ᑎᑎᖃᖏᑦ ᐊᒻᒪᓗ ᐊᐅᒃᑕᔫᑦ ᑎᑎᖃᖏᑦ ᑕᒪᐃᓐᓄᑦ ᐊᐅᒃᑕᔫᖏᑦ;
• ᐅᓂᒃᑳᓕᐊᕆᓗᒋᑦ ᑎᑎᕋᖅᑕᐅᓂᑯᑦ ᑕᒪᐃᓐᓂᑦ ᑮᓇᐅᔭᒃᑯᕕᖕᓂᑦ ᐊᒻᒪᓗ ᐊᐅᒃᑕᔫᓂᑦ ᐊᔾᔨᒌᓕᕐᑎᑦᑎᐊᕐᓗᒋᑦ ᒪᓕᒃᑎᒌᓕᕐᑎᑦᑎᐊᕐᓗᒋᑦ;
• ᑭᓱᑐᐃᓐᓇᕐᓂᒃ ᐊᒻᒪᓗ ᓈᓴᐅᓯᕆᔾᔪᑕᐅᔪᑦ ᐱᒋᐊᕐᓂᖓᓂᑦ ᐃᓱᐊᓄᑦ;
• ᖃᐅᔨᒡᓴᑦᑎᐊᕐᓗᒋᑦ ᑕᕿᑕᒫᑦ, ᑎᓴᒪᐃᖅᑐᑦ ᐅᑭᐅᒥ, ᐊᒻᒪᓗ ᐊᕐᕌᒍᑕᒫᖅᓯᐅᑎᑦ ᐊᐅᓚᑦᑎᔾᔪᑕᐅᔪᓄᑦ ᐋᕿᒍᑎᔪᑦ ᐊᒻᒪᓗ ᓂᕆᐅᓇᖅᑐᑦ ᖃᓄᐃᓕᖓᓂᐊᕐᒪᖔᑕ ᑕᒻᒪᖅᓯᒪᔪᖃᓐᖏᑦᑎᐊᕐᓗᑎᒃ ᐊᖅᒪᓗ ᐱᔭᕇᖅᓯᒪᑦᑎᐊᕐᓗᑎᒃ ᑭᖑᕙᖅᓯᒪᓐᖏᓪᓗᑎᒃ ᐋᕿᑦᑎᐊᖅᓯᒪᐃᓐᓇᕐᓗᒋᑦ ᑎᑭᐅᑎᓯᒪᔪᓇᖅᑕᑦ ᒪᓕᒡᓗᒋᑦ ᐊᔾᔨᒌᓕᕐᑎᑦᑎᐊᕐᓗᒋᑦ ᒪᓕᒃᑎᒌᓕᕐᑎᑦᑎᐊᕐᓗᒋᑦ ᐊᑑᑎᖃᖅᑐᓂᑦ ᑮᓇᐅᔭᓕᕆᔾᔪᑕᐅᔪᓄᑦ ᖃᐅᔨᒪᔭᕆᐊᓕᖕᓄᑦ; ᐊᒻᒪᓗ
• ᑲᒪᒋᑦᑎᐊᕐᓗᒋᑦ ᑕᕿᖅ-ᐊᑖᓂ ᐊᒻᒪᓗ ᐊᕐᕌᒍ-ᐃᓱᓕᑎᓪᓗᒍ ᐱᓕᕆᔭᕆᐊᓕᑦ ᑕᐃᒪᓗ ᑭᖑᕙᖅᓯᒪᓐᖏᓪᓗᑎᒃ ᑕᕿᑕᒫᑦ-ᐊᑖᓂ ᐊᒻᒪᓗ ᐊᕐᕌᒍᑕᒫᖅᓯᐅᑎᑦ – ᐃᓱᐊᓂ ᒪᑐᒋᐊᓕᑦ ᐊᒻᒪᓗ ᐱᓕᕆᕙᓪᓕᐊᔭᕆᐊᓕᑦ ᑮᓇᐅᔭᓕᕆᔾᔪᑕᐅᔪᑦ ᖃᐅᔨᓴᖅᑕᐅᓂᖏᓐᓄᑦ ᐱᓕᕆᐊᖑᓂᐊᖅᑐᑦ ᐸᐃᐹᖏᑦ ᐊᑐᖅᓯᓗᑎᑦ ᖃᕆᓴᐅᔭᓕᕆᔾᔪᑎᑦᑎᒍᑦ ᐱᓕᕆᑎᑦᑎᔾᔪᑕᐅᔪᖅ.

ᐊᔪᖏᑦᑕᕆᐊᖃᖅᑕᑎᑦ ᐊᒻᒪᓗ ᓴᓇᔪᓐᓇᕆᐊᖃᖅᑕᑎᑦ ᑕᐃᒪᓐᓇᐅᔭᕆᐊᖃᖅᑐᑦ:

• 5 ᐅᑭᐅᓄᑦ ᐱᓕᕆᓯᒪᓗᑎᑦ ᓈᓴᐅᓯᕆᔾᔪᑦ ᐃᖅᑲᓇᐃᔮᒥᒃ ᐊᒻᒪᓗ 2 ᐅᑭᐅᓄᑦ ᐱᓕᕆᓯᒪᓗᑎᑦ ᑮᓇᐅᔭᓕᕆᔨᒻᒪᕆᒃ;
• ᐳᖅᑐᓂᖅᐹᑦ ᐱᔅᓂᔅ ᐃᓕᓐᓂᐊᕐᕕᒃᔪᐊᒥ ᑮᓇᐅᔭᓕᕆᓂᕐᒧᑦ ᐅᒡᕙᓘᓐᓃᑦ ᓈᓴᐅᓯᕆᓂᕐᒧᑦ ᐅᒡᕙᓘᓐᓃᑦ ᐃᓕᓴᕆᔭᐅᓯᒪᔪᑦ ᖃᐅᔨᒪᔪᕐᔪᐊᑦ ᓈᓴᐅᓯᕆᔨᑦ ᐱᔭᕇᖅᓯᒪᒋᐊᖃᖅᑕᑎᑦ;
• ᐱᔭᒃᓴᑎᑦ ᐃᖅᑲᓇᐃᔮᕆᓗᒍ ᐊᑐᕆᐊᖃᕐᓂᐊᖅᑕᑎᑦ ᑭᓱᒧᑦ ᖃᐅᔨᒪᔭᕆᐊᖃᖅᑕᑎᑦ ᓈᓴᐅᓯᕆᓂᕐᒥ ᑮᓇᐅᔭᓕᕆᔾᔪᑕᐅᔪᓄᑦ, ᐃᖅᑲᓇᐃᔭᖅᑎᓄᑦ ᑮᓇᐅᔭᒃᓴᐃᑦ ᐊᒻᒪᓗ ᑮᓇᐅᔭᓕᕆᔾᔪᑕᐅᔪᓄᑦ ᐊᐅᓚᑦᑎᔾᔪᑕᐅᔪᑦ;
• ᐅᓇ ᐃᖅᑲᓇᐃᔭᕆᓗᒍ ᐱᓕᕆᓯᒪᒋᐊᖃᖅᑕᑎᑦ ᖃᕆᓴᐅᔭᒃᑯᑦ ᓈᓴᐅᓯᕆᔾᔪᑎᑦ, ᑮᓇᐅᔭᓕᕆᔾᔪᑎᑦ, ᑮᓇᐅᔭᕐᓂᒃ ᖃᐅᔨᓴᕈᑎᑦ ᐊᒻᒪᓗ ᑎᑎᕋᓕᕆᔾᔪᑎᖏᑦ;
• ᐃᖅᑲᓇᐃᔭᖅᑎᕗᑦ ᐱᓯᒪᔭᕆᐊᓕᑦ ᓴᖕᖏᔪᒥᒃ ᐃᓅᖃᑎᒥᖕᓂᒃ ᐃᓅᖃᑎᖃᑦᑎᐊᕈᓐᓇᖅᑐᑦ ᐊᒻᒪᓗ ᑕᒪᕐᒥᒃ ᐅᖃᓪᓚᒍᓐᓇᑦᑎᐊᕐᓗᑎᑦ ᐊᒻᒪᓗ ᑎᑎᕋᕈᓐᓇᑦᑎᐊᕐᓗᑎᑦ;
• ᐊᔪᒋᑦᑎᐊᕐᓗᑎᑦ ᓴᓇᓂᕐᒥᒃ ᐊᑑᑎᖃᑦᑎᐊᖅᑐᒥᒃ ᐱᐅᓯᑐᖃᖃᑎᒌᓐᖏᑦᑐᓂᒃ ᐊᕙᑎᓕᖕᒥ; ᐊᒻᒪᓗ
• ᖃᐅᔨᒪᓗᒋᑦ ᐊᒻᒪᓗ/ᐅᒡᕙᓘᓐᓃᑦ ᐱᓕᕆᓯᒪᓗᑎᑦ ᐃᓗᐊᓂ ᓄᓇᕗᑦ ᐊᒻᒪᓗ ᐅᑭᐅᖅᑕᖅᑐᖅ ᑲᓇᑕᒥ ᐃᑲᔫᑎᒻᒪᕆᑲᔭᖅᑐᖅ.

ᐃᖅᑲᓇᐃᔭᖅᑖᕋᓱᒃᑐᑦ ᐃᒪᓐᓇᐅᔭᕆᐊᖃᖅᐳᑦ:

ᕿᑭᖅᑖᓗᒃ ᑯᐊᐳᕆᓴᓐ
ᑎᑎᖃᒃᑯᕕᒃ 1228
ᐃᖃᓗᐃᑦ, ᓄᓇᕗᑦ
XOA OHO

ᓱᒃᑲᔪᒃᑯᑦ: (867) 979-8433
ᑐᕌᖅᑎᓪᓗᒍ: Human.Resources@qcorp.ca

ᐃᖅᑲᓇᐃᔭᖅᑖᕋᓱᒃᑐᑦ ᑖᒃᑯᐊᑐᐊᖅ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒪᔪᑦ ᐅᖃᕐᕕᐅᓂᐊᖅᑐᑦ, ᖁᔭᓐᓇᒦᒃ ᑕᒪᕐᒥᒃ ᐃᖅᑲᓇᐃᔭᖅᑖᕋᓱᓚᐅᖅᑐᑦ.