ᐳᑦᑕᔪᑦ ᑐᓚᑦᑕᕐᕖᒃ ᒥᐅᓐ ᐃᓚᑦᒥ ᐊᒻᒪᓗ ᐸᓐᓂᖅᑑᒥ

ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᑕᕆᐅᔭᓕᕆᔨᒃᑯᑦ ᑲᑐᔾᔨᖃᑎᒌᑦ, ᑲᒻᐸᓂ ᐱᓕᕆᐊᖃᕈᓐᓇᖅᑐᖅ ᑐᓚᑦᑕᕐᕖᑦ ᓴᓇᒻᒪᖏᓐᓂᒃ ᓴᓇᔭᐅᓂᖏᓐᓂᓪᓗ, ᐅᒥᐊᕐᔪᐊᓕᐅᕐᓂᕐᒥᒃ, ᐅᒥᐊᕐᔪᐊᒃᑯᕕᖕᒥᒃ, ᑲᓕᒍᑏᑦ ᑲᓕᒐᐃᓪᓗ ᐊᑐᖅᑕᐅᔾᔪᑎᖏᓐᓂᒃ, ᓴᖅᑭᕈᑎᒋᓚᐅᖅᑖ ᑐᓚᑦᑕᕐᕕᒃ, ᐃᓄᓐᓄ ᑲᒻᐸᓂᖁᑕᐅᔪᖅ ᐃᓕᓐᓂᐊᕐᓯᒪᓂᖃᖅᑐᓂᒃ ᑕᕆᐅᓕᕆᓂᕐᒥᒃ ᐱᔨᑦᓯᐸᑦᑐᑦ ᕿᑭᖅᑕᓂ ᓄᓇᖓᑕ ᓄᓇᓕᖏᓐᓄᑦ.

2008-ᒥ, ᑕᕆᐅᓕᕆᔨᒃᑯᑦ ᑲᑐᔾᔨᖃᑎᒌᑦ ᓴᓇᓚᐅᖅᑐᑦ ᐋᖅᑮᓪᓗᑎᓪᓗ ᑕᑭᓂᓕᒻᒥᒃ 300 ᐃᑎᒐᑦ ᑕᑭᓂᓕᒻᒥᒃ 25 ᐃᑎᒐᑦ ᓴᓂᒧᑦ ᓴᕕᕋᔭᒻᒥᒃ ᐳᑦᑕᓲᒥᒃ ᑐᓚᑦᑕᕕᖕᒥᒃ ᕿᓐᖑᐊᓂ, Milne Inlet, ᓄᓘᔮᓐᓂ ᐱᓕᕆᐊᖑᔪᒧᑦ. ᑖᓐᓇ ᓴᓇᒻᒪᖓ, ᓱᕐᕌᖏᑦᑐᖅ ᐊᑐᓚᐅᐱᓪᓚᓐᓂᐊᑐᐃᓐᓇᕋᓗᐊᕐᓱᓂ, ᐊᐅᓚᑦᓯᕕᐅᔪᓐᓇᖅᑐᖅ ᐅᓪᓗᓕᒫᖅ 24-ᓂᒃ ᐃᑲᕐᕋᓂᒃ ᐊᒻᒪᓗ ᐃᓕᔭᐅᓚᐅᖅᑐᖅ ᑕᓪᓕᒪᓂᒃ ᐅᓪᓗᓂᒃ ᓯᑕᒪᐅᔪᖅᑐᓄᑦ ᐃᖅᑲᓇᐃᔭᖅᑎᓄᑦ.

2009-ᒥ, ᑕᕆᐅᓕᕆᔨᒃᑯᑦ ᑲᑐᔾᔨᖃᑎᒌᑦ ᓴᓇᓚᐅᕐᒥᔪᑦ ᐳᑦᑕᔪᒥᒃ ᑐᓚᑦᑕᕕᒻᒥᒃ ᐃᖃᓗᒐᕝᕕᐅᕙᑦᑑᑉ ᓄᓇᓕᖓᓂ ᐸᓐᓂᖅᑑᒥ.

ᐳᑦᑕᔪᑦ ᑐᓚᑦᑕᕐᕖᑦ ᑐᑭᖓ ᐊᑐᖅᑕᐅᓚᐅᖅᑐᖅ ᕿᓐᖑᐊᓂ ᐊᒻᒪᓗ ᐸᓐᓂᖅᑑᒥ ᐃᓕᔭᐅᔪᓐᓇᕐᒥᔪᖅ ᐊᓯᖏᓐᓄᑦ ᐊᑐᖅᑕᐅᓕᕐᓗᓂ ᓄᓇᕗᒻᒥ ᐊᒻᒪᓗ, ᖃᓄᐃᑦᑑᓂᖏᑎᒍᑦ, ᐅᒥᐊᕐᔪᐊᓄᑦ ᓂᐅᕋᐃᕕᐅᔪᓐᓇᖅᑐᖅ ᑕᑉᕗᖓᓪᓚᑦᑕᖅ ᐃᑦᓴᕕᖕᒨᖅᑲᐃᒍᑕᐅᓗᓂ. ᐊᐅᓚᓂᖓ ᓱᑲᓐᓂᕐᓴᕈᕈᑕᐅᓗᓂ ᐅᒥᐊᕐᔪᐊᖅᑕᐅᖃᑦᑕᖅᑐᓄᑦ ᐅᑭᐅᖅᑕᖅᑐ ᐱᐊᓚᓂᕐᓴᐅᓗᑎᒃ ᐊᒻᒪᓗ ᐱᖁᑎᕐᔪᐊᖃᑦᓯᐊᖏᓐᓂᕐᒧᑦ ᐊᑭᓕᐅᑕᐅᓗᓂ.