ᐃᓄᐃᑦ ᓄᓇᖁᑖ ᓴᓇᔭᐅᕙᓪᓕᐊᓂᖓ - ᐃᖃᓗᐃᑦ

ᕿᑭᖅᑖᓗᒃ ᑯᐊᐳᕇᓴᒃᑯᑦ ᒫᓐᓇ ᐸᕐᓇᑦᑐᑦ ᓴᓇᕙᓪᓕᐊᓂᕐᒥᒃ 16 ᕼᐃᑐ ᓄᓇ ᐃᓄᐃᑦ ᓄᓇᖁᑖᑦ ᑕᒫᓂ ᕿᑎᐊᓂ ᐃᖃᓗᐃᑦ ᓄᓇᓕᐸᐅᔭᖓᑕ, ᑭᒡᒐᖅᑐᐃᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓂᒃ.

ᓄᓇᕗᒻᒥ ᓯᕗᓪᓕᕐᐸᐅᓯᒪᓪᓗᓂ ᓇᖕᒥᓂᖅᓱᖅᑐᓂ ᓄᓇᒥᒃ ᓴᓇᕙᓪᓕᐊᓂᕐᒥᒃ, ᑖᓐᓇ ᓄᓇᖓ ᒪᓂᒪᔭᐅᔪᖅ ᐊᔾᔨᐅᖏᑦᑐᒥᒃ ᐱᔾᔪᑎᒃᓴᐅᔪᖅ ᑲᑐᔾᔨᖃᑎᒌᖁᑎᑦᑎᓐᓄᑦ ᐃᓄᖕᓄᑦ ᐊᒻᒪᓗ ᓯᕗᓂᑦᑎᓐᓂ ᒪᑭᒪᔾᔪᑎᒃᓴᓄᑦ ᐊᑐᕋᑦᓴᐅᓂᖓᓄᑦ, ᐱᕚᓪᓕᕈᑎᒃᓴᐅᓗᓂ ᐃᓕᖅᑯᓯᑦᑎᓐᓄᑦ ᐊᒻᒪᓗ ᐊᕙᑎᑦᑎᓐᓂᒃ ᒥᐊᓂᕐᓯᓯᐊᕐᓂᕐᒧᑦ.

ᒫᓐᓇᒫᖑᓚᐅᖅᑐᖅ ᐊᐃᑉᐹᓂ ᐅᖃᓕᒫᖅᑕᐅᓚᐅᖅᑎᓪᓗᒍ ᑲᑎᒪᔨᓄᑦ ᐋᖅᑭᒋᐊᕈᑎᒃᓴᖅ ᓄᓇᓕᐸᐅᔭᒃᑯᑦ ᐸᕐᓇᐅᑎᖏᓐᓄᑦ ᐊᖏᖅᑕᐅᒻᒪᕆᓐᓂᐊᕐᓂᖓᓂᒃ ᓂᕆᐅᒋᔭᖃᖅᑐᒍᑦ ᐊᒻᒪᓗ ᐱᖓᔪᐊᓐᓂ ᐅᖃᓕᒫᖅᑕᐅᓂᐊᕐᓂ ᑲᑎᒪᔨᓄᑦ ᐅᐱᕐᖔᖓᓂ 2015 ᑕᐃᒪᐃᒻᒪᑦ ᐋᖅᑭᐸᓪᓕᐊᕗᑦ ᐊᐅᓚᓂᕆᔭᐅᒋᐊᓖᑦ ᑲᔪᓯᒋᐊᕈᓐᓇᕐᓯᖁᓪᓗᒍ ᓴᓇᔭᐅᕙᓪᓕᐊᓂᖓ ᐊᓪᓛᖅᑲᐃ ᐱᔪᓐᓇᕐᓯᓂᐊᖅᑐᑦ ᐊᐅᔭᖓᓂ 2015.

ᑖᓐᓇ ᐱᔾᔪᑎᒃᓴᖅ ᐱᓕᕆᒋᐊᕐᓂᕐᒧᑦ ᐸᕐᓇᑕᐅᓯᒪᔪᓂᒃ ᓯᕗᒧᐊᑦᑎᑦᓯᓂᕐᒥᒃ ᐱᕙᓪᓕᐊᑎᑕᐅᓂᖓᓄᑦ, ᐃᓱᒪᒃᓴᕐᓯᐅᕈᑕᐅᒋᐊᓕᒃ ᑐᑭᓯᑎᑦᓯᕐᖓᐅᑎᒃᑯᑦ ᓄᑖᓂᒃ ᐃᓱᕐᕆᐅᑎᓂᒃ ᐊᐅᓚᔪᓐᓇᐅᑎᓂᒃ ᐊᑐᓐᖏᐹᓪᓕᕈᑎᓅᖓᒧᓂᒃ, ᐊᑦᑕᕕᓐᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᑐᑭᓯᑎᑦᓯᒋᐊᕈᑎᓂᒃ ᓄᓇᒦᓐᖔᖅᑐᓂᒃ ᐊᐅᓚᔪᓐᓇᐅᑎᖃᖔᕈᑎᒃᓴᓂᒃ. ᓱᓕᒃᑲᓐᓂᖅ, ᐱᓕᕆᐊᖑᕙᓪᓕᐊᓂᖓᒍᑦ ᐱᕙᓪᓕᑎᑦᓯᒍᑎᒋᔭᐅᔪᖅ ᑲᑐᔾᔨᖃᑎᖃᕐᓂᒃᑯᑦ ᑲᒪᒋᔭᐅᓇᔭᕐᓂᖓᓂᒃ ᓄᓇᕗᑦ ᒐᕙᒪᖓᓂᒃ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᑲᒪᒋᔭᐅᕙᓪᓕᐊᓂᖓᓂᒃ ᐊᑯᓂᐊᓗᒃ ᐅᑕᖅᑭᔭᐅᓯᒪᔪᖅ ᓄᓇᕗᒻᒥ ᐃᑦᑕᕐᓂᓴᖃᕐᕕᒃᓴᒧᑦ, ᐃᒻᒪᖃᑦᑕᐅᖅ ᑕᑯᓐᓇᒐᑦᓴᓕᕆᕕᖕᒥᒃ; ᐃᑲᔫᑎᓇᔭᖅᑐᒥᒃ ᐸᕐᓇᓯᒪᔭᑦᑎᓐᓂᒃ ᑐᔪᕐᒥᕕᖕᒥᒃ ᑲᑎᒪᕕᐅᓯᓐᓈᑦ.

ᐊᓯᖏᑦ ᐃᓪᓗᐃᑦ ᐱᓇᓱᐊᖅᑕᐅᔪᒪᔪᑦ ᐃᑲᔫᑎᖃᕋᔭᖅᑐᑦ ᓯᕗᓂᕐᒥ ᑮᓇᐅᔭᓕᐅᕋᓱᐊᕈᑎᒃᓴᓄᑦ, ᓂᐅᕕᕐᕕᒃ, ᐊᖏᕐᕋᑦ ᐊᒻᒪᓗ ᓴᓇᕝᕕᔾᔪᐊᓄᑦ ᐊᑐᕋᑦᓴᓂᒃ ᓄᓇᓕᐸᐅᔭᒃᑯᑦ ᓯᕗᓂᕐᒥ ᑐᐊᕕᕐᓇᖅᑐᓕᕆᕕᒃᓴᖓᓄᑦ.

ᑕᑯᒋᐊᒃᑲᓂᕋᑦᓴᖅ ᐸᕐᓇᐅᑎᓄᑦ ᐋᖅᑭᑦᑕᐅᓯᒪᔪᑦ ᑎᑎᕋᕐᓯᒪᓂᖏᑦ ᓇᕿᓪᓗᒍ ………….

ᑐᑭᓯᒋᐊᒃᑲᓂᕐᕕᒃᓴᖅ ᖃᐅᔨᒋᐊᕐᕕᒋᑐᐃᓐᓇᓗᒍ ᐱᓕᕆᐊᒃᓴᓕᕆᔨᕗᑦ, ᓯᐅᑕᓐ ᓂᒻᓴᒃ ᐅᕙᓂ snimchuk@qcorp.ca