ᐱᓕᕆᒡᕖᑦ

ᐊᐅᓚᑦᓯᔩᑦ ᕿᒥᕐᕈᕙᑦᑐᑦ ᐱᓕᕆᐊᒃᓴᓂᒃ ᑯᐊᐳᕇᓴᒃᑯᑦ ᐊᐅᓚᓂᓕᒫᖏᓐᓂ, ᑐᑭᒧᐊᒍᑎᒃᓴᓂᒃ ᐸᕐᓇᓂᕐᒥᒃ, ᐊᑐᐊᒐᕐᓂ ᐊᐅᓚᑦᓯᔾᔪᓯᕐᓂᓪᓗ, ᐃᑲᔪᕐᓯᓂᕐᒥᒃ, ᐊᒻᒪᓗ ᓄᓇᓕᖕᓂ ᐃᑲᔪᕐᓯᒪᒍᑎᒃᓴᓂᒃ. ᐱᓕᕆᐊᕆᖃᓯᐅᑎᒻᒥᔭᖏᑦ ᑎᑎᖅᑭᕆᔨᐅᓪᓗᑎᒃ ᑲᑎᒪᔨᓄᑦ, ᐊᖓᔪᖅᑲᐅᑎᓄᑦ, ᓇᖕᒥᓂᖁᑎᓄᑦ, ᐊᒻᒪᓗ ᑲᑐᔾᔨᓂᒃᑯᑦ ᑮᓇᐅᔭᓕᐅᕋᓱᐊᖃᑎᒌᓄᑦ.

ᑮᓇᐅᔭᓕᕆᔨᒃᑯᑦ ᐱᓕᕆᐊᖓ ᑭᖑᕙᕐᓯᒪᓐᖏᑦᑐᒥᒃ ᓇᓕᖅᑯᑦᓯᓯᒪᑦᓯᐊᖅᑐᒥᓪᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᖃᑦᑕᓂᕐᒥ ᐊᒻᒪᓗ ᑮᓇᐅᔭᓕᕆᓂᕐᒧᑦ ᖃᐅᔨᒪᔨᑕᐅᓂᕐᒥᒃ ᐊᖓᔪᖅᑲᐅᑎᓄᑦ ᑲᑎᒪᔨᓄᓪᓗ. ᐱᓕᕆᕝᕕᐅᔪᖅ ᐱᓕᕆᐊᖃᖃᑦᑕᕐᒥᔪᖅ ᐊᕐᕌᒍᑕᒫᕐᓯᐅᑎᓂᒃ ᑮᓇᐅᔭᖅᑑᑎᒃᓴᓂᒃ ᐊᒻᒪᓗ ᐊᑐᐃᓐᓇᕈᕐᓴᐃᓪᓗᓂ ᐊᕐᕌᒍᑕᒫᕐᓯᐅᒻᒥᒃ ᑕᒻᒪᕐᓯᒪᔪᖅᓯᐅᖅᑏᑦ ᖃᐅᔨᓴᕐᓂᖏᓐᓄᑦ.

ᑮᓇᐅᔭᓕᕆᔨᒃᑯᑦ ᐊᐅᓚᑦᓯᕙᑦᑐᑦ ᑮᓇᐅᔭᓂᒃ ᐃᓵᔪᓕᒫᓂᒃ ᐊᑭᓕᖅᓱᕋᑦᓴᓂᓪᓗ ᐊᖏᖅᑕᐅᓯᒪᔪᓂᒃ ᐊᖓᔪᖅᑲᐅᑎᓄᑦ; ᑮᓇᐅᔭᒃᑯᕕᖕᒥ ᑲᑎᓐᓂᕐᓯᐅᑎᓂᒃ, ᐃᓚᖃᖅᑐᑎᒃ ᑮᓇᐅᔾᔭᒃᓴᐅᑎᓕᕆᓂᕐᒥᒃ ᐊᒻᒪᓗ ᓈᖕᒪᓈᕐᓯᒪᑦᓯᐊᕋᓗᐊᕐᒪᖔᑕ ᐅᓂᒃᑳᓕᐊᑦ ᐊᔾᔨᒌᓐᖏᑦᑐᓄᑦ ᒐᕙᒪᓂ ᑎᒥᐅᔪᓄᑦ ᓲᕐᓗ ᐅᑎᖅᑐᒃᓴᔭᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.

ᑮᓇᐅᔭᓕᕆᔨᒃᑯᑦ ᐃᑲᔪᕆᐊᖃᓕᕋᐃᒐᒥᒃ ᐃᑲᔪᖃᑦᑕᖅᑐᑦ ᓇᓪᓕᐅᒃᑯᒪᔾᔩᓂᕐᒥᒃ ᐱᓕᕆᐊᒃᓴᓂᒃ ᐊᑭᓕᑦᓴᓂᒍᑕᐅᔪᓂᒃ, ᐊᒻᒪᓗ ᖃᐅᔨᒪᒋᐊᕐᓂᕐᒥᒃ ᑖᒃᑯᓂᖓ ᐊᑐᖅᑐᐊᖅᑕᐅᔪᓂᒃ, ᖄᖏᐅᑎᒍᑎᒃᓴᓂᒃ ᑮᓇᐅᔭᒃᑯᕕᖕᒥ ᐊᑭᓕᑦᓴᖃᐅᑎᓂᒃ ᐊᒻᒪᓗ ᐊᓯᖏᓐᓂ ᑮᓇᐅᔭᓕᕆᔾᔪᑕᐅᕙᑦᑐᓂ. ᑐᑭᒧᐊᒃᑎᑦᑎᔨ ᑮᓇᐅᔭᓕᕆᓂᕐᒧᑦ ᐱᓕᕆᐊᒃᓴᖃᕐᒥᔪᖅ ᐸᕐᓇᓂᕐᒥᒃ, ᖃᐅᔨᓴᕐᓂᕐᒥᒃ ᐊᒻᒪᓗ ᐊᑐᓕᖁᔾᔪᑎᓕᐅᕐᓂᕐᒥᒃ ᑲᑎᒪᔨᓄᑦ ᐋᖅᑭᒋᐊᕈᑎᒃᓴᓂᒃ ᐊᑐᐊᒐᕐᓄᑦ ᐱᔭᕆᐊᖃᓕᕋᐃᒐᒥ.

ᐱᓕᕆᒡᕕᒃ ᐱᓕᕆᐊᒃᓴᓕᒃ ᖃᓄᐃᓐᖏᑦᓯᐊᖁᓪᓗᒋᑦ ᐊᑦᑕᓇᐃᕐᓯᒪᓂᕐᒥᓪᓗ ᐃᖅᑲᓇᐃᔭᕐᕕᖕᒥ, ᐃᖅᑲᓇᐃᔭᖅᑐᓕᕆᓂᕐᒥᒃ ᑲᒪᖃᑦᑕᖅᑐᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᓇᖕᒥᓂᖁᑎᒋᔭᖏᓐᓄᓪᓗ, ᑐᓴᐅᒪᖃᑦᑕᐅᑎᓕᕆᓂᕐᒥᒃ ᐊᒻᒪᓗ ᐱᔪᒐᕐᓴᐅᑎᓂᕐᒥᒃ, ᓈᓴᐃᓂᕐᒧᑦ ᐊᐅᓚᑦᓯᓂᕐᒥᒃ, ᑎᑎᖅᑭᕆᓂᕐᒥᒃ ᐊᒻᒪᓗ ᐊᓪᓚᕝᕕᖕᒨᖓᔪᓂᒃ ᐃᑲᔪᕐᓯᓂᕐᒧᑦ ᐱᔨᑦᓯᕈᑕᐅᕙᑦᑐᓂᒃ.

ᐃᖅᑲᓇᐃᔭᖅᑐᓕᕆᓂᖅ

ᒪᓂᒪᑎᑦᓯᔪᒍᑦ ᐃᖅᑲᓇᐃᔭᖅᑐᓕᕆᓂᒃᑯᑦ ᐅᖓᓯᑦᑐᒦᑦᑐᓂᒃ ᐃᖅᑲᓇᐃᔭᕐᕕᐅᔪᓂ ᐃᖅᑲᓇᐃᔭᖅᑎᓴᕐᓯᐅᓂᕐᒥᒃ ᐊᒻᒪᓗ ᐃᓄᐃᑦ ᐱᓕᖕᒪᓴᖅᑕᐅᑦᓯᐊᖁᓪᓗᒋᑦ ᐱᓕᕆᐊᕆᔭᒥᓂᒃ. ᑖᓐᓇ ᓴᓐᖏᓂᖃᒻᒪᕆᑦᑐᖅ ᐱᓇᓱᐊᖅᑕᐅᓂᖓ ᖃᓄᐃᓐᖏᑦᓯᐊᓂᕐᒧᑦ ᐊᑦᑕᓇᐃᕐᓯᒪᓂᕐᒧᓪᓗ ᐊᒻᒪᓗ ᑐᓐᖓᕕᒋᔭᐅᔪᖅ ᑕᒪᐃᓐᓄᑦ ᐱᓕᖕᒪᒃᓴᐅᑎᒃᓴᓄᑦ ᐸᕐᓇᐅᑎᓄᑦ ᐃᖅᑲᓇᐃᔭᕐᕕᒋᔭᐅᔪᓄᓪᓗ.

ᐱᓕᖕᒪᒃᓴᐅᑎᒃᓴᓂᒃ ᐱᓕᕆᐊᖑᔪᑦ ᒪᓂᒪᑎᑕᐅᔫᒥᔭᐃᓐᓇᖃᑦᑕᖅᑐᖅ ᐊᔪᕈᓐᓃᕐᓯᒪᑦᓯᐊᖁᓪᓗᒋᑦ ᖃᐅᔨᒪᓂᖃᑦᓯᐊᕐᓗᑎᓪᓗ; ᐃᓚᒋᔭᐅᓪᓗᓂ ᐃᓕᖅᑯᓯᕐᒥᒃ ᐅᔾᔨᕈᓯᒋᐊᕐᓂᕐᒧᑦ ᐱᓕᖕᒪᒃᓴᐅᑏᑦ, ᐊᓐᖑᑎᓯᒪᓗᓂ ᐃᓱᕐᕆᐅᑎᓂᒃ ᐊᐅᓚᑦᓯᔾᔪᑎᓂᓪᓗ ᐊᓯᔾᔨᐸᓪᓕᐊᖏᓐᓇᕐᓂᖏᓐᓂᒃ.

ᑕᒪᕐᒥᒃ ᑮᓇᐅᔭᐅᕋᓱᐊᖅᑎᐅᖃᑎᒌ ᐊᒻᒪᓗ ᑲᑐᔾᔨᓂᕐᒧᑦ ᐊᖏᖃᑎᒌᒍᑏᑦ ᐊᒻᒪᓗ ᐱᓕᕆᐊᒃᓴᑦ ᑲᓲᒪᓂᓖᑦ ᐋᖅᑭᑦᓯᒪᓂᒃᑯᑦ ᐱᕚᓪᓕᕈᑎᒃᓴᖏᓐᓂᒃ ᐃᓄᓐᓄᑦ ᐱᓕᒻᒪᒃᓴᐅᑎᒃᓴᓄᑦ ᐊᒻᒪᓗ ᐊᑎᖃᖃᑕᐅᔪᑦ ᐃᖅᑲᓇᐃᔭᖅᑐᑦ ᐊᒥᓲᖁᓪᓗᒋᑦ.

ᑕᕆᐅᓕᕆᔨᒃᑯᑦ ᐱᓇᓱᐊᒐᖏᑦ ᐱᖓᓲᓕᖅᑲᖓᔪᑦ: ᐃᖃᓗᓕᕆᓂᖅ, ᐱᖁᑎᕐᔪᐊᓕᕆᓂᖅ, ᐊᒻᒪᓗ ᑲᑎᒪᔩᑦ/ ᑎᒥᐅᔪᑦ. ᐃᖃᓗᓕᕆᔨᒃᑯᑎᒍᑦ, ᒪᕐᕉᒃ ᑮᓇᐅᔭᓕᐅᕋᓱᐊᖅᑎᐅᖃᑎᒌᒃ ᐊᐅᓚᑕᐅᔫᒃ ᐊᐅᓚᑕᐅᔫᒃ:

  • ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᑯᐊᐳᕇᓴᓐ (QFC); ᐊᒻᒪᓗ
  • ᐅᓈᖅ ᐃᖃᓗᓕᕆᔨᒃᑯᑦ (UF).

ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᓇᖕᒥᓂᕆᔭᐅᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐃᖃᓗᓕᕆᓂᕐᒧᑦ ᑲᒻᐸᓂ ᐊᒻᒪᓗ ᖃᓕᕋᓕᖕᓄᑦ ᑰᑕᖃᖅᑎᑕᐅᔪᖅ ᑲᑐᔾᔨᖃᑎᖃᖅᑐᓂ ᓇᑖᕐᓇᖅ ᐃᖃᓗᓕᕆᔨᒃᑯᓐᓂᒃ. ᕿᑭᖅᑖᓗᒃ ᐃᖃᓗᓕᕆᔨᒃᑯᑦ ᓇᖕᒥᓂᖁᑎᓖᑦ ᐃᖃᓗᒐᓲᑎᒥᒃ MV ᓴᐳᑎ. ᐅᓈᖅ ᐃᖃᓗᓕᕆᔨᒃᑯᑦ ᑲᑐᔾᔨᓂᒃᑯᑦ ᑮᓇᐅᔭᓕᐅᕋᓱᐊᕈᑕᐅᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᐊᒻᒪᓗ ᒪᑭᕕᒃ ᑯᐊᐳᕇᓴᓐ (MC). ᑭᖑᑉᐸᓐᓄᑦ ᑰᑕᑦ ᑐᓂᔭᐅᓯᒪᔪᑦ ᐅᓈᖅ ᐃᖃᓗᓕᕆᔨᒃᑯᓐᓄᑦ ᑭᖑᑉᐸᓐᓂᐊᕈᑕᐅᕙᑦᑐᖅ ᓅᕙ ᓯᑰᓴ ᐃᖃᓗᓕᕆᔩᑦ ᑲᒻᐸᓂᖓᓄᑦ.

ᐱᖁᑎᕐᔪᐊᓕᕆᔨᒃᑯᑎᒍᑦ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᑲᑐᔾᔨᓂᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᒻᐸᓂᒥᒃ ᓴᖅᑮᓚᐅᖅᑐᑦ, ᑐᓚᑦᑕᕐᕕᒃ, ᐃᓚᖃᖅᑐᑎᑦ ᑕᕆᐅᓕᕆᓂᕐᒧᑦ ᑲᑐᔾᔨᖃᑎᒌᓂᒃ ᑯᐸᐃᒻᒦᑦᑐᓂᒃ ᐱᔾᔪᑎᖃᖅᑐᑎᒃ ᐃᑲᔪᕐᓯᒪᓂᒻᒪᕆᒻᒥᒃ ᑕᕆᐅᓕᕆᓂᕐᒧᑦ ᐱᖁᑎᕐᔪᐊᓕᕆᓂᕐᒥᒃ ᓄᓇᕗᒻᒥ.

ᑕᕆᐅᓕᕆᔨᒃᑯᑦ ᐱᓕᕆᒡᕕᖓ ᑭᒡᒐᑐᐃᒻᒥᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᒃ ᐊᔾᔨᒌᓐᖏᑦᑐᓂ ᑲᑎᒪᔨᓂ ᑎᒥᐅᔪᓂᓗ ᓲᕐᓗ ᐅᑯᓂᖓ:

ᓂᐅᕕᕐᕕᓕᕆᓂᖅ

ᐱᓕᕆᒡᕕᒃ ᐱᓕᕆᐊᒃᓴᓕᒃ ᐊᐅᓚᑦᓯᓂᕐᒥᒃ ᓴᖅᑮᓂᕐᒥᓪᓗ ᓇᖕᒥᓂᖁᑎᖃᕐᕕᒃᓴᓂᒃ ᓂᐅᕕᕐᕕᓕᕆᓂᕐᒧᑦ. ᐱᓕᕆᒡᕕᒃ ᐊᐅᓚᑦᓯᔪᖅ ᓂᐅᕕᕐᕕᖕᓂᒃ ᐅᓄᖅᑐᓂ ᓂᐅᕕᕐᕕᖃᕐᕕᖕᓂ ᐊᒻᒪᓗ ᒪᓂᒪᑎᑦᓯᖃᑦᑕᖅᑐᖅ ᐊᔾᔨᒌᓐᖏᑐᒻᒪᕆᓐᓂᒃ ᓂᐅᕕᐊᒃᓴᓂᒃ ᑕᒪᒃᑯᓂᖓᒐᓚᒃ ᐅᖅᓱᖅ, ᓂᖀᑦ ᐊᒻᒪᓗ ᐅᐊᔭᒨᖅᑐᑦ ᑎᑭᓪᓗᒍ ᐸᔪᑦᑎᕆᓂᖅ ᓂᕿᓂᒃ ᑲᑎᓐᓂᐅᔪᓄᑦ. ᐅᐱᒍᓲᑎᓕᒃ ᐃᑲᔪᖃᑦᑕᓂᕐᒥᓂᒃ ᐱᕙᓪᓕᐊᑎᑦᓯᓂᕐᒥᒃ ᒪᒃᑯᑦᑐᓂᒃ ᓄᓇᓕᓐᓂ ᐃᖅᑲᓇᐃᔮᖃᖅᑎᑦᓯᓂᒃᑯᑦ ᐱᓕᖕᒪᒃᓴᐅᑎᒃᓴᖃᖅᑎᑦᓯᓂᒃᑯᓪᓗ. ᐊᑎᖃᖃᑕᐅᔪᑦ ᐃᖅᑲᓇᐃᔭᖅᑐᑦ ᓇᓗᓇᐃᖅᑕᐅᓯᒪᓂᖏᑎᒍᑦ ᒥᑦᓴᐅᓴᑦᑕᐅᓯᒪᔪᑦ ᐅᖓᑖᓃᓐᓂᖏᓐᓂᒃ 75%.

ᐱᓕᕆᒡᕕᒃ ᒫᓐᓇ ᐊᐅᓚᑦᓯᔪᖅ ᒪᕐᕉᓐᓂᒃ ᓂᐅᕕᕐᕕᕋᓛᓐᓂᒃ ᐊᒻᒪᓗ ᐅᖅᓴᒃᕕᖕᒥᒃ ᐃᓚᖃᖅᑐᓂ ᓂᕆᕕᕋᓛᒥᒃ ᑳᐱᕐᕕᐅᓯᓐᓈᑦ. ᓱᓕᒃᑲᓐᓂᖅ, ᐋᖅᑭᐅᒪᑦᓯᔪᖅ ᐊᕐᕌᒍᑕᒫᑦ ᐅᒥᐊᕐᔪᐊᒃᑯᑦ ᐅᓯᑎᑦᓯᖃᑦᑕᓂᕐᒥᒃ ᑭᒃᑯᑐᐃᓐᓇᕐᓄᑦ ᑲᒻᐸᓂᓄᓪᓗ ᐊᑐᕋᑦᓴᒥᒃ, ᐊᑭᑦᑐᕋᐅᑎᒍᑕᐅᔪᓄᑦ ᓱᓇᒃᑯᑖᖃᖅᑎᑦᓯᓂᕐᒧᑦ ᐊᔾᔨᐅᓗᐊᓐᖏᑦᑐᓂᒃ, ᐊᒻᒪᓗ ᐅᓯᔭᐅᔾᔪᑎᓕᕆᔾᔪᑎᖃᖅᑐᓂ ᐊᕐᕌᒍᓕᒫᖅ ᓇᓗᓇᐃᒃᑯᓯᖃᑦᑕᕆᐊᓕᖕᓄᑦ.

ᐃᓚᖓᒍᑦ ᑲᓲᒪᓂᖃᓕᖅᑐᑦ ᖃᕆᓴᐅᔭᓕᕆᔨᒃᑯᑦ ᐱᓕᕆᒡᕕᖓᓄᑦ ᑐᑭᒧᐊᒃᑎᑦᑎᔨ ᐱᓕᕆᐊᖃᖃᓯᐅᑎᓪᓗᓂ ᐅᐊᔭᒨᖅᑐᓂᒃ ᓂᐅᕕᕐᕕᖓᓂᒃ. ᓱᓕᒃᑲᓐᓂᖅ, ᑲᒪᒋᔭᖃᖃᑦᑕᕐᒥᔪᖅ ᓂᐅᕐᕈᑎᖃᕐᓂᕐᒥᒃ ᓇᓚᐅᑦᓵᕈᑎᓂᒃ ᓛᑐᕆ ᐊᒻᒪᓗ ᑲᒪᒋᔭᖃᖅᑐᑎᒃ ᑮᓇᐅᔭᓂᒃ ᐊᓂᐊᑦᓯᕕᓐᓂᒃ ATM ᐊᒻᒪᓗ ᓰᕐᓇᖅᑐᓂᒃ ᑲᑕᒑᑎᑦᓯᕕᓐᓂᒃ ᐃᖃᓗᐃᑦ ᐃᓗᓕᒫᖓᓂ.

ᑭᖑᓪᓕᕐᐹᖓ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᑲᒪᖃᑕᐅᒻᒥᔪᑦ ᐅᖅᓱᐊᓗᓕᕆᓂᕐᒥᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᑐᔾᔨᖃᑎᖃᖅᑐᑎᒃ ᑲᒻᐸᓂᒥᒃ, ᐅᖅᓱᖅ ᐸᔪᑦᑎᕆᔨᐅᕙᑦᑐᖅ ᐅᖅᓱᒃᓴᓂᒃ ᓂᐅᕕᕐᐸᑦᑐᓄᑦ ᐃᖃᓗᐃᑦ ᓄᓇᓕᐸᐅᔭᖓᓂ.

Qikiqtaaluk Information Technology Corporation

ᓄᓇᕗᒻᒥ ᐊᖏᓂᕐᐸᐅᔪᒍᑦ ᓇᖕᒥᓂᖅᓱᖅᑐᓂ ᑐᓴᐅᒪᔾᔪᑎᓄᑦ ᐃᓱᕐᕆᐅᑎᓕᕆᓂᕐᒧᑦ, ᐱᔨᑦᓯᕈᑎᓄᑦ ᐊᒻᒪᓗ ᐱᖁᑎᖃᖅᑎᑦᓯᓂᕐᒥᒃ. ᕿᑭᖅᑖᓗᒃ ᖃᕆᓴᐅᔭᓕᕆᓂᕐᒧᑦ ᑯᐊᐳᕇᓴᒃᑯᓐᓂ ᐋᖅᑭᐅᒪᑦᓯᔨᐅᔪᒍᑦ ᐊᑕᖏᖅᑐᓂᒃ ᐱᔨᑦᓯᕈᑎᓂᒃ ᖃᕆᓴᐅᔭᑎᒍᑦ ᐃᑲᔪᖅᑕᐅᔭᕆᐊᓕᖕᓄᑦ ᑯᐊᐳᕇᓴᒃᑯᓐᓂ ᓂᐅᕕᖅᓯᒪᔪᖁᑎᑦᑎᓐᓄᑦ ᐊᒻᒪᓗ ᐊᑕᐅᓰᖅᑐᒥᒃ ᓂᐅᕕᕐᓯᒪᕙᑦᑐᓄᑦ. ᐋᖅᑭᐅᒪᑦᓯᖃᑦᑕᕐᒥᔪᑦ ᐊᑕᖏᖅᑐᓂᒃ ᑕᑉᕙᐃᓐᓇᖅ ᓂᐅᕕᐊᒃᓴᓂᒃ ᓯᑎᔪᓂᒃ ᐊᕿᑦᑐᓂᓪᓗ ᐃᓱᒪᕐᓲᑕᐅᒍᓐᓇᖅᑐᓂᒃ ᐱᔪᒐᕐᓇᕋᓱᐊᖅᑐᓂᒃ ᐊᑭᖏᑎᒍᑦ. ᓱᓕᒃᑲᓐᓂᖅ ᐱᓕᕆᒡᕕᖕᒥ ᑕᑉᕙᓂ ᓄᓇᓕᓐᓅᖓᔪᖅ ᕿᓂᖅ ᓄᓇᓕᓐᓄᑦ ᐱᔨᑦᓯᖅᑎᐅᔪᒍᑦ ᕗᕌᓐᐸᓐ ᐃᑭᐊᖅᑭᔾᔪᑎᓂᒃ. ᒫᓐᓇᒫᖑᓚᐅᖅᑐᖅ ᑲᒻᐸᓂ ᓴᖅᑮᓚᐅᖅᑐᖅ ᐱᖓᓲᓕᖅᑲᖓᔪᒥᒃ 3G ᐊᒻᒪᓗ VOIP ᐱᔨᑦᓯᕈᑎᓂᒃ ᐅᖄᓚᐅᑎᕋᓛᓄᑦ ᐃᑉᐱᐊᔪᒻᒥᒐᕐᓄᑦ ᑲᓲᒪᑎᑦᓯᔾᔪᑎᖓ ᐊᐃᕆᔅᑎᐊ ᐅᐊᔭᖃᓐᖏᑦᑐᓄᑦ ᐃᖃᓗᓐᓂ. ᐃᓱᕐᕆᐅᑎᓕᕆᔨᖏᑦ ᖃᕆᓴᐅᔭᓄᑦ ᖁᑦᓯᑐᒻᒪᕆᓐᓂᒃ ᐊᔪᓐᖏᔾᔪᑎᓖᑦ ᐊᒻᒪᓗ ᐱᓕᖕᒪᒃᓴᕐᓂᕐᒧᑦ ᐊᔪᓐᖏᓐᓂᕆᔭᕆᐊᓕᖕᓄᓪᓗ ᐊᓐᖑᑎᓯᒪᐃᓐᓇᕋᓱᐊᖃᑦᑕᖅᑐᑦ.

ᐱᓕᕆᒡᕕᒃ ᐊᐅᓚᑦᓯᔪᖅ ᑕᒪᐃᓐᓂᒃ ᐃᓪᓗᖁᑎᒋᔭᐅᔪᓂᒃ ᑎᒍᒥᐊᖅᑕᖏᓐᓂᒃ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᕿᑭᖅᑖᓘᑉ ᓇᖕᒥᓂᖁᑎᖏᑦ ᑎᒥᖓᑕ. ᖃᐅᔨᒪᔨᑕᕆᔭᐅᕙᑦᑐᑦ ᐊᒻᒪᓗ ᐃᑲᔪᖃᑦᑕᖅᑐᑦ ᓇᖕᒥᓂᖅᑖᕐᓂᕐᒧᑦ ᑎᒍᓯᔾᔪᑎᓂᒃ, ᐃᓪᓗᓕᐅᕐᓂᕐᒥᒃ ᐊᒻᒪᓗ ᐊᐅᓚᑦᓯᕙᑦᑐᑎᒃ ᓇᖕᒥᓂᖁᒋᔭᐅᖃᑎᒋᔭᒥᓂᒃ ᑲᑐᔾᔨᖃᑎᒌᓂᒃ ᑲᑐᔾᔨᖃᑎᒌᓂ. ᐊᐅᓚᑦᓯᖃᑦᑕᖅᑐᑦ ᐋᖅᑭᐅᒪᑦᓯᔨᐅᓪᓗᑎᓪᓗ ᐅᖓᑖᓃᑦᑐᓐᓂᒃ $55 ᒥᓕᔭᓐ ᐃᓪᓗᖁᑎᖃᕐᓂᕐᒧᑦ ᐱᖁᑎᒥᓂᒃ ᐃᖃᓗᓐᓂ. ᐱᓕᕆᒡᕕᒃ ᐱᓕᕆᐊᖃᖃᓯᐅᑎᔪᖅ ᐊᖏᕐᕋᕆᔭᐅᔪᓂᒃ, ᑮᓇᐅᔭᓕᐅᕋᓱᐊᕐᕕᖕᒥᒃ ᓴᓇᕕᒡᔪᐊᓂᓪᓗ ᓇᖕᒥᓂᖁᑎᒋᔭᐅᔪᓂᒃ.

ᐃᓪᓗᖁᑎᖃᕐᓂᕐᒧᑦ ᐱᓕᕆᒡᕕᖓ ᐊᕕᑦᑐᕐᓯᒪᓪᓗᑎᒃ ᑕᓪᓕᒪᓂᒃ ᐱᔨᑦᓯᕈᑎᓪᓗᐊᑕᖃᖃᑦᑕᖅᑐᑦ: ᐊᐅᓚᑦᓯᔩᑦ ᐊᓪᓚᕝᕕᖕᒥ, ᐋᖅᑭᐅᒪᑦᓯᓂᖅ ᐊᒻᒪᓗ ᓴᓗᒻᒪᕐᓴᐃᔩᑦ ᐊᑦᑐᐊᓂᖃᓪᓗᐊᑕᖅᑐᑦ ᑲᒻᐸᓂᒧᑦ ᓇᖕᒥᓂᖁᑎᒋᔭᐅᔪᒧᑦ. ᐱᓕᕆᐊᑦ ᐊᓯᐊᒍᑦ ᐊᐅᓚᑕᐅᖃᑦᑕᖅᑐᑦ ᐱᓕᕆᐊᕆᔭᐅᔪᒧᑦ ᐊᐅᓚᑦᓯᔨᒥᒃ. ᓇᖕᒥᓂᖁᑎᒋᔭᐅᔪᓂᒃ ᖃᐅᔨᓴᕐᓂᖅ ᐱᔨᑦᓯᕈᑕᐅᖃᑦᑕᖅᑐᖅ ᓄᓇᕗᑦ ᒐᕙᒪᖓᓂᒃ.

ᐱᓕᕆᒡᕕᒃ ᒫᓐᓇ ᐱᓕᕆᖃᑕᐅᓪᓗᐊᑕᖅᑐᖅ ᐱᕙᓪᓕᐊᑎᑕᐅᓂᖓᓂᒃ ᐃᓄᐃᑦ ᓄᓇᖁᑎᖏᑦ. ᐱᕙᓪᓕᐊᔪᓕᕆᔨᒋᔭᐅᓂᕐᒧᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐱᓕᕆᒡᕕᒃ, ᐊᔪᓐᖏᑐᕐᔪᐊᖁᑎᒥᒍᑦ ᐃᓪᓗᖁᑎᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᐃᖅᑲᓇᐃᔮᓕᒃ ᐊᒥᓱᒐᓚᓐᓂᒃ ᐱᓕᕆᐊᒃᓴᓂᒃ ᐱᒋᐊᖅᑐᓂ ᓄᓇᒥᒃ ᖃᐅᔨᓴᕐᓂᕐᒥᒃ ᐊᒻᒪᓗ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓂᕐᒥᒃ ᓴᓇᒻᒪᓕᐅᕐᓂᕐᒧᑦ ᐊᒻᒪᓗ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᖑᔪᑦ ᐊᒻᒪᓗ ᑲᒪᒋᔭᖃᕐᓂᕐᒥᒃ ᐃᓪᓗᓕᐅᖅᑎᓂᒃ.

ᖃᐅᔨᓴᖅᑐᓕᕆᕕᒃ

ᐱᓕᕆᒡᕕᒃ ᒫᓐᓇ ᑳᑐᓐᓛᒃᑕᐅᓯᒪᔪᖅ ᓇᖕᒥᓂᖁᑎᒋᔭᐅᔪᓂᒃ ᖃᐅᔨᓴᖅᑎᐅᓂᕐᒧᑦ ᓄᓇᕗᑦ ᒐᕙᒪᖓᓄᑦ. ᐊᕐᕌᒍᑕᒫᑦ ᓇᖕᒥᓂᖁᑎᒋᔭᐅᔪᑦ ᖃᐅᔨᓴᖅᑕᐅᕙᑦᑐᑦ ᐊᑭᓪᓗᐊᖏᑦ ᐊᒻᒪᓗ ᖃᐅᔨᒃᑲᐃᔾᔪᑏᑦ ᐊᐅᓪᓚᖅᑎᑕᐅᖃᑦᑕᖅᑐᑦ ᐊᑐᓂᑦ ᓇᖕᒥᓂᖁᑎᓕᓐᓄᑦ. ᑕᑉᕙᓐᖓᑦ ᑐᓴᕈᑎᒥᒃ ᐊᐅᓚᔾᔭᑦᑕᐅᓪᓗᑎᒃ “ᐋᖅᑭᑦᓯᒍᑏᑦ” ᑖᒃᓰᔭᐃᔩᑦ ᓄᐊᑦᓯᒍᑎᖓᓄᑦ ᓇᖕᒥᓂᖁᑎᓄᑦ ᑖᒃᓯᔭᐅᑎᓂᒃ. ᐱᓕᕆᒡᕕᒃ ᐋᖅᑭᐅᒪᑦᓯᖃᑦᑕᖅᑐᖅ 11,000 ᐅᖓᑖᓃᑦᑐᓂᒃ ᓇᖕᒥᓂᖁᑎᒋᔭᐅᔪᓂᒃ ᑎᑎᕋᕐᓯᒪᔪᓂᒃ ᓄᓇᕗᓕᒫᒥ ᐊᒻᒪᓗ ᐱᓕᕆᖃᑕᐅᖃᑦᑕᖅᑐᖅ ᐅᓐᓂᕐᓗᑦᑐᒥᓂᕐᓂᒃ. ᐃᖅᑲᓇᐃᔭᖃᑎᖃᖃᑦᑕᕐᒥᔪᖅ ᒐᕙᒪᑦ ᐊᐅᑦᓯᔨᖏᓐᓂᒃ ᐊᑐᓕᖁᔨᔾᔪᑎᒃᑯᑦ ᐊᓯᔾᔨᖁᔭᐅᔪᓂᒃ ᐋᖅᑭᒋᐊᖅᑕᖁᔭᐅᔪᓂᓪᓗ ᐱᖁᔭᓂᒃ.

ᐱᓕᕆᒡᕕᒃ ᐃᖅᑲᓇᐃᔭᓕᒃ ᐊᔾᔨᒌᓐᖏᑦᑐᓂᒃ ᐱᔨᑦᓯᕈᑎᓂᒃ ᐅᔭᕋᓐᓂᐊᓂᕐᒧᑦ, ᐊᕙᑎ ᓴᓗᒻᒪᓴᖅᑕᐅᓂᖓᓄᑦ, ᐱᖁᑎᕐᔪᐊᓕᕆᓂᕐᒥᒃ ᐊᒻᒪᓗ ᐊᒃᑐᐊᓂᓕᓐᓂ ᐊᐅᓚᑕᐅᔪᓂᒃ. ᑐᕌᒐᓪᓗᐊᑕᖓ ᐱᕙᓪᓕᐊᑎᑦᓯᓂᖅ ᐊᒻᒪᓗ ᐱᕚᓪᓕᕈᑎᒃᓴᓂᒃ ᒪᑭᒪᔾᔪᑎᒃᓴᖏᓐᓄᑦ ᐃᓄᐃᑦ ᐃᖅᑲᓇᐃᔭᕈᓐᓇᖁᓪᓗᒋᑦ ᓄᓇᒦᓐᖔᖅᑐᓕᕆᓂᕐᒨᖓᔪᓂᒃ.

ᐊᖏᖅᑕᐅᓯᒪᓂᒃᑯᑦ ᑲᑎᑕᐅᓂᖏᑦ ᑲᒻᐸᓃᑦ ᒫᓐᓇ ᑳᓐᑐᓛᒃᓯᖃᑦᑕᕈᓐᓇᓕᖅᑐᖅ ᑳᓐᑐᓛᒃᑕᐅᓯᒪᓂᕐᒥᒍᑦ.

ᐱᓕᕆᒡᕕᒃ ᐱᖁᑎᓂᒃ ᐊᑐᖅᑐᐊᑎᑦᓯᖃᑦᑕᕐᒥᔪᖅ ᓯᕐᓗᐊᓂᓪᓗ. ᐱᓕᕆᐊᖑᔪᖅ ᐃᑲᔪᖅᑕᐅᒋᐊᖃᕐᐸᑦ ᓱᓇᒃᑯᑖᖃᖅᑎᑕᐅᓂᒃᑯᑦ, ᐅᓯᑲᑦᑕᖅᑎᐅᓂᕐᒧᑦ ᐸᔪᑦᑎᕋᖅᑎᐅᓂᕐᒧᓪᓗ ᐃᖅᑲᓇᐃᔭᖅᑎᓂᒃ ᐊᓱᐃᓛᒃ ᐱᓕᕆᒡᕕᒃ ᐋᖅᑭᐅᒪᓂᖃᑦᓯᐊᕐᐳᖅ ᑖᒃᑯᓄᓐᖓᖓᔪᓂᒃ ᐋᖅᑭᐅᒪᑎᑦᓯᓗᑎᒃ ᐱᓕᕆᐊᒃᓴᑎᒍᑦ ᑎᑭᐅᑎᓯᒪᓂᖃᑦᓯᐊᖁᓪᓗᒍ ᐱᔾᔪᔾᔭᐅᔫᑉ ᐱᔭᕆᐊᓕᖏᓐᓄᑦ.

ᑭᓯᐊᓂᓕ, ᐱᓕᕆᐊᖃᖃᓯᐅᑎᖃᑦᑕᖅᑐᖅ ᖁᑦᓯᓂᕐᓴᒃᑯᑦ ᐱᓕᕆᐊᓂᒃ, ᐱᔨᑦᓯᕈᑎᑎᒍᑦ ᓱᕐᓗ:

  • ᐱᓕᕆᐊᖑᔪᓂᒃ ᐊᐅᓚᑦᓯᓂᖅ, ᑮᓇᐅᔭᖅᑑᑎᒃᓴᓕᐅᕐᓂᖅ, ᑮᓇᐅᔭᓕᕆᔾᔪᑏᑦ, ᐊᑐᖅᑐᐊᕐᓂᖅ, ᐊᓪᓚᑉᕕᒃᑯᑦ ᑎᑎᖅᑭᕆᐊᖑᒋᐊᓖᑦ
  • ᐆᑦᕋᐅᑏᑦ ᐊᒻᒪᓗ ᐱᓕᕆᐊᒃᓴᒧᑦ/ᐱᓕᕆᐊᖑᔪᒧᑦ ᖃᐅᔨᓴᕐᓃᑦ
  • ᓴᓇᒻᒪᓄᑦ ᐊᑭᑦᑐᕋᐅᑏᑦ, ᐃᓪᓗᓕᐊᖑᓂᖓ ᓇᓗᓇᐃᒃᑯᓯᖅᑕᐅᓂᖓᓄᑦ ᐊᐅᓚᑦᓯᔨᐅᓂᖅ
  • ᐅᓗᕆᐊᓇᖅᑐᒦᑦᑕᐃᓕᓂᖅ ᖃᓄᐃᓐᓇᖏᑦᓯᐊᖅᑐᒥᓗ ᐊᐅᓚᑦᓯᓂᖅ
  • ᓴᓇᕕᒡᔪᔾᔪᐊᓂ ᑎᒥᐅᓄᓪᓗ ᐃᓪᓗᓕᐅᕐᓂᖅ/ᓴᓇᒋᐊᕐᓂᖅ, ᐊᒪᓗ
  • ᒐᕙᒪᒃᑯᑦ ᑮᓇᐅᔭᓖᓯᒪᓂᒃᑯᑦ ᑲᑐᔾᔨᖃᑎᒋᖃᑦᑕᑦᑕᖏᑦ (PPP) ᑳᑐᓐᓛᒃᑯᑦ ᐱᕙᓪᓕᐊᔾᔪᑏᑦ

ᑖᓐᓇ ᐃᑲᔪᕐᓂᖃᓚᐅᖅᑐᖅ ᓴᓐᖏᔪᒻᒪᕆᑦᑎᒍᑦ ᑲᓲᒪᓂᒃᑯᑦ ᑲᑐᔾᔨᔪᓄᑦ ᑮᓇᐅᔭᓕᐅᕋᓱᐊᖅᑎᓄᑦ ᑲᑐᔾᔨᖃᑎᒌᑦᑐᓄᓪᓗ.

ᐱᒋᐊᕈᑎᒋᓚᐅᖅᑕᕗᑦ ᐅᖓᓯᑦᑐᒥ ᐃᖅᑲᓇᐃᔮᖑᔪᒥ ᑳᓐᑐᓛᒃᑕᐅᓯᒪᔪᓄᑦ ᑳᑐᓐᓛᒃᑕᐅᓪᓗᑕ ᐊᖏᔪᒻᒪᕆᒃ ᐊᕙᑎ ᓴᓗᒻᒪᓴᖅᑕᐅᓂᖓᓄᑦ. ᐱᓕᕆᐊᕆᔭᐅᔪᑦ ᐱᐊᓂᒃᐸᓪᓕᐊᓂᖏᓐᓄᑦ ᐃᖅᑲᓇᐃᔮᕗᑦ ᐊᕙᑎᒥᒃ ᖃᐅᔨᓴᕐᓂᖅ ᓴᓇᔭᑦᓴᐅᔪᓄᑦ ᐊᒻᒪᓗ ᐅᖅᓱᐊᓗᖃᐅᑏᑦ ᑯᕕᒐᐃᒻᒪᑕ ᐃᖅᑲᓇᐃᔮᖃᖃᑦᑕᕐᓂᖅ. ᓴᖅᑭᐸᓪᓕᐊᓂᖏᑎᒍᑦ ᕿᓂᕐᓂᖅ ᐅᔭᕋᓐᓂᐊᕕᒃᓴᓂᒃ ᐊᑐᕋᑦᓴᓂᓪᓗ ᐱᓕᕆᐊᓕᖕᓄᑦ ᑖᒃᑯᐊ ᐊᔪᓐᖏᓂᕆᔭᐅᒋᐊᓖᑦ ᓄᒃᑎᖅᑕᐅᓯᒪᔪᑦ ᐱᔨᑦᓯᕈᑎᒃᓴᓄᑦ ᑖᒃᑯᓄᖓ.

ᒪᓂᒪᑎᑦᓯᔪᒍᑦ ᐊᔾᔨᒌᓐᖏᑦᑐᓂᒃ ᐱᔨᑦᓯᕈᑎᓂᒃ ᐅᖓᓯᑦᑐᒥ ᑕᒻᒫᕐᓯᒪᕕᓐᓂ ᓴᓗᒻᒪᕐᓴᐃᔨᓂᒃ, ᓂᖅᑎᐅᖅᑏᑦ, ᐅᖁᒪᐃᑦᑐᕐᓂᐅᑎᓕᕆᔩᑦ, ᐃᓅᓕᓴᐃᔨᓂᒃ ᐊᒻᒪᓗ ᒥᐊᓂᕐᓯᔨᓂᒃ ᑎᑭᓪᓗᒍ ᐊᖓᔪᖅᑳᖑᔪᑦ ᐃᖅᑲᓇᐃᔭᖅᑎᓄᑦ ᐊᐅᓚᑦᓯᔩᓪᓗ.

ᐃᑲᔫᑎᒃᓴᓪᓗᐊᑕᖅ ᐅᖓᓯᑦᑐᒥ ᑕᒻᒫᕐᓯᒪᕕᐅᔪᓄᑦ ᓱᓇᒃᑯᑖᖃᖅᑎᑦᓯᓂᕐᒧᑦ ᑎᑭᑎᑦᓯᖃᑦᑕᓂᕐᒧᑦ ᓱᓇᒃᑯᑖᓂᒃ, ᐱᖁᑎᓂᒃ ᐊᒻᒪᓗ ᐃᖅᑲᓇᐃᔭᖅᑎᓂᒃ, ᑖᓐᓇ ᑲᔪᓯᑎᑦᓯᑦᓯᐊᕐᓯᒪᔭᕗᑦ ᐅᑭᐅᕋᓴᓐᓂᒃ. ᐱᓕᕆᐊᕆᖃᓯᐅᑎᔭᕗᑦ ᓯᓚᒃᑯᑦ ᑕᕆᐅᒃᑯᓪᓗ ᐃᖏᕐᕋᔾᔪᑎᓕᕆᓂᖅ ᐱᔭᕆᐊᖃᕐᓂᖏᑎᒍᑦ ᐊᑐᖅᑕᐅᖃᑦᑕᕆᐊᓕᖕᓂᒃ.