ᓄᓇᓕᓐᓂ ᐱᓕᕆᐊᑦ

ᐃᓕᓐᓂᐊᕕᖕᒥ ᐅᓪᓛᕈᒻᒥᓴᖅᑎᑦᓯᖃᑦᑕᕐᓂᖅ ($16,000/ᐊᕐᕌᒍ)

ᐃᓕᓐᓂᐊᕕᖕᒥ ᐅᓪᓛᕈᒻᒥᓴᖅᑎᑦᓯᖃᑦᑕᕐᓂᖅ ᐃᑲᔪᑎᓕᒃ ᒪᒃᑯᑦᑐᑦ ᐱᕙᓪᓕᐊᔾᔪᑎᒃᓴᖏᓐᓂᒃ ᐊᒻᒪᓗ ᓄᓇᓖᑦ ᖃᓄᓐᖏᓯᐊᒃᑲᓐᓂᕈᑎᒃᓴᖏᓐᓂᒃ ᑯᐊᐳᕇᓴᒃᑯᓐᓂᒃ ᐃᑲᔫᑎᑎᒍᑦ. ᑲᑎᒪᔩᑦ ᐊᖏᓚᐅᖅᑐᑦ ᐃᑲᔪᕐᓯᒍᑎᒃᓴᓂᒃ ᑖᑦᓱᒧᖓ ᐅᑭᐅᖑᓂᐊᖅᑐᓄᑦ ᑕᓪᓕᒪᓄᑦ. (2015-ᒥᒃ 2020-ᒧᑦ).

ᐃᓕᓐᓂᐊᕕᒃᑯᑦ ᐊᐅᓚᑕᐅᔪᖅ ᑮᓇᐅᔭᖃᖅᑎᑕᐅᖃᑦᑕᖅᑐᖅ ᐅᓪᓛᕈᒻᒥᓴᖅᑎᑦᓯᖃᑦᑕᓂᕐᒧᑦ ᐃᓕᓐᓂᐊᑦᓯᐊᖁᔨᓂᕐᒧᑦ ᓯᕗᓂᒃᓴᖃᑦᓯᐊᓂᕐᒧᓪᓗ ᑕᒪᒃᑮᒃ ᑖᒃᑯᐊ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑲᑐᔾᔨᖃᑎᒌᖑᔫᒃ ᐃᖕᒥᒃᑰᖓᓪᓗᑎᒃ ᓴᖅᑭᕈᑎᖃᕐᓯᒪᔪᑦ ᓱᕈᓰᑦ ᓂᕆᓯᒪᑦᓯᐊᖃᑦᑕᖁᓪᓗᒋᑦ ᑎᒥᒧᑦ ᐊᑐᕐᓂᓕᓐᓂ ᐱᓕᕆᐊᖑᔪᒥ ᑲᓇᑕᒥ. ᒪᒃᑯᑦᑐᑦ ᐃᓕᓐᓂᐊᕆᐊᖃᑦᑕᓲᖑᒻᒪᑕ ᑭᓱᑐᕆᐊᓐᖏᓯᐊᖅᑐᑎᒃ ᐊᖏᕐᕋᒥᓂ ᐊᓪᓛᑦ ᐃᓚᖓᓂ, ᓱᕈᓰᑦ ᑭᖑᕙᑦᑕᐃᓕᒧᑦ ᐅᓪᓛᕈᒻᒥᓴᕆᐊᓐᖏᓯᐊᖃᑦᑕᓲᑦ, ᑎᑭᐅᑎᒍᑕᐅᖃᑦᑕᖅᑐᖅ ᑕᒪᓐᓇ ᐱᑦᓯᐊᖏᓐᓂᕐᒧᑦ ᐊᒻᒪᓗ ᐃᓕᓐᓂᐊᕈᑎᓕᕆᓂᕐᒧᑦ ᖁᑦᓯᓂᕐᓴᓂᒃ ᐊᑲᐅᓐᖏᓪᓕᐅᕈᑎᓄᑦ.

ᑮᓇᐅᔭᖃᖅᑎᑦᓯᔾᔪᑕᐅᔪᖅ ᐃᑲᔫᑎᖃᕐᓂᐊᖅᑐᖅ ᓄᑕᖅᑲᓄᑦ ᓄᓇᕗᒻᒥ ᐅᓄᖅᑐᑎᒍᑦ:

  • ᐱᕚᓪᓕᕈᑕᐅᓗᓂ ᓵᓐᖓᒍᓐᓇᓂᕐᓴᐅᓂᕐᒧᑦ ᐃᓕᓐᓂᐊᕐᓂᖏᓐᓄᓪᓗ ᐃᓕᓐᓂᐊᕐᕕᐊᕈᓯᖏᓐᓂ
  • ᓴᕐᖓᑎᑦᓯᓗᓂ ᐃᕿᐊᑦᑖᖓᐃᓐᓂᕐᓴᐅᓕᕐᓗᑎᒃ ᐃᓚᐅᑎᓪᓗᑎᒃ ᐊᐅᓚᓂᖃᖅᑎᓪᓗᒋᑦ
  • ᓴᐳᔾᔨᒍᑕᐅᓗᓂ ᐃᓗᓯᕐᒧᑦ ᐊᑲᐅᓐᖏᓪᓕᐅᕈᑎᓂᒃ
  • ᐱᕚᓪᓕᕈᑕᐅᓗᓂ ᖃᓄᐃᓐᖏᑦᓯᐊᑲᓐᓂᓂᕐᒧᑦ ᐃᓅᓯᕐᒧᓪᓗ

ᑕᐃᒎᓯᖓ, ᐃᓕᓐᓂᐊᖅᑏᑦ ᓯᑯᒦᑦᑐᑦ (Students on Ice) ($32,500 ᐱᖓᓱᓄᑦ ᐊᕐᕌᒍᓄᑦ)

ᑮᓇᐅᔭᓕᑕᐅᓂᖓ ᑎᑭᐅᑎᓯᒪᔪᖅ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᑲᔫᑎᓄᑦ ᒪᓕᒐᑦᓴᓕᐊᕆᓯᒪᔭᖏᓐᓂᒃ ᒪᒃᑯᑦᑐᑦ ᐱᕙᓪᓕᐊᔾᔪᑎᒃᓴᖏᓐᓂᒃ.

ᑕᐃᒎᓯᖓ, ᐃᓕᓐᓂᐊᖅᑏᑦ ᓯᑯᒦᑦᑐᑦ ᓄᓇᕐᔪᐊᑉ ᐅᑭᐅᖅᑕᖅᑐᖏᓐᓂᒃ ᑐᑭᓯᓂᐊᖅᑏᑦ (SOI) ᐃᓕᓴᕆᔭᐅᔾᔪᒻᒥᒃ ᑐᓐᓂᖅᑯᓯᐊᖅᑖᕐᓯᒪᔪᖅ ᑲᑐᔾᔨᖃᑎᒌᑦ ᑐᓂᓯᒪᔪᑦ ᒪᒃᑯᑦᑐᑦ ᑲᓇᑕᓕᒫᒦᓐᖔᖅᑐᑦ ᓯᓚᕐᔪᐊᓕᒫᒥᓗ ᓲᖑᓂᓕᒻᒥᒃ ᐃᓕᓐᓂᐊᕈᑎᒃᓴᒥᒃ ᑕᒪᒃᑮᓐᓂ ᓄᓇᕐᔪᐊᑉ ᐅᑭᐅᖅᑕᖅᑐᖏᓐᓂᒃ. ᑲᑐᔾᔨᖃᑎᒌᑦ ᑐᓂᓯᒪᓂᖃᑦᓯᐊᖅᑐᑦ ᑐᑭᓯᒃᑲᓐᓂᕈᑎᒃᓴᓂᒃ ᐅᑭᐅᖅᑕᖅᑐᒥᒃ ᐃᓕᓐᓂᐊᑎᑦᓯᓂᒃᑯᑦ, ᓴᐳᔾᔨᓯᒪᓂᕐᒥᒃ, ᖃᐅᔨᓴᕐᓂᖅ, ᐊᕙᑎᒨᖓᔪᓂᒃ ᐊᒻᒪᓗ ᖃᐅᔨᒪᔭᐅᔾᔪᑎᒃᓴᖏᓐᓂᒃ ᐅᑭᐅᖅᑕᖅᑑᒃ ᓄᓇᕐᔪᐊᓕᒫᒥ. ᐱᓇᓱᐊᕐᓂᖏᑦ ᐃᓕᓐᓂᐊᖅᑏᑦ ᓯᑯᒦᑦᑐᑦ ᑕᐃᒍᓯᓕᓐᓄᑦ ᐱᖕᒪᕆᐊᓘᕗᖅ ᐊᖅᑯᑎᒋᔭᐅᖃᑦᑕᕐᓂᖏᓐᓄᑦ ᐊᒻᒪᓗ ᑭᒡᒐᕆᔭᐅᓂᖏᓐᓄᑦ ᐅᑭᐅᖅᑕᖅᑐᒨᖓᔪᓄᑦ ᐊᕙᑎᒧᓪᓗ.

2000-ᒥᓂᒃ, ᐃᓕᓐᓂᐊᖅᑏᑦ ᓯᑯᒦᑦᑐᑦ ᐃᓚᐅᑎᑦᓯᖃᑦᑕᕐᓯᒪᕗᑦ 2,000 ᐅᖓᑖᓃᑦᑐᓂᒃ ᐃᓕᓐᓂᐊᖅᑎᓂᒃ, ᖃᐅᔨᓴᖅᑎᕐᔪᐊᓂ, ᖃᐅᔨᒪᔪᕐᔪᐊᓂᒃ, ᐃᓐᓇᕐᓂᒃ, ᐃᓕᓴᐃᔨᓂᒃ ᐊᒻᒪᓗ ᓯᕗᓕᖅᑎᓂᒃ 50-ᓃᓐᖔᖅᑐᓂᒃ ᓄᓇᓕᕐᔪᐊᓂᒃ ᑕᒪᒃᑮᓐᓅᕈᔾᔨᓪᓗᑎᒃ ᓄᓇᕐᔪᐊᒥ ᐅᑭᐅᖅᑕᑑᓐᓄᑦ. ᐅᑭᐅᖅᑕᖅᑐᒦᓐᖔᖅᑐᑦ ᓄᓇᖃᖅᑳᕐᓯᒪᔪᑦ ᒪᒃᑯᑦᑐᑦ ᔫᑳᓐᒦᖔᖅᑐᑦ, ᓄᓇᑦᓯᐊᖅ, ᓄᓇᕗᑦ, ᓄᓇᕕᒃ ᐊᒻᒪᓗ ᓄᓇᑦᓯᐊᕗᑦ ᐃᓚᐅᑎᑕᐅᖃᑦᑕᕐᓯᒪᕗᑦ 30%-ᖏᑦ ᒪᒃᑯᑦᑐᑦ ᐃᓚᐅᖃᑦᑕᖅᑐᑦ.

ᐱᓂᐊᕐᓂᕋᐅᑎᖓᓄᑦ ᑐᕌᒐᖓ ᐃᓕᓐᓂᐊᖅᑏᑦ ᓯᑯᒦᑦᑐᑦ “ᐃᓕᓐᓂᐊᑎᑦᓯᓗᑎᒃ, ᑲᔪᖏᕐᓴᐃᓗᑎᒃ ᐊᒻᒪᓗ ᐱᔪᒥᓵᕈᑎᖃᕐᓗᑎᒃ ᑭᖑᕚᖑᓂᐊᖅᑐᓄᑦ, ᑕᐃᒪᐃᓐᓂᕐᒥᒍᑦ, ᒪᒃᑯᑦᑐᑦ ᑐᑭᐅᒪᒃᑲᓂᕐᓂᐊᕐᐳᑦ ᐊᒻᓗᒪ ᒥᐊᓂᕐᓯᓯᐊᕈᒪᓂᖃᓕᕐᓗᑎᒃ ᓄᓇᕐᔪᐊᒥᒃ, ᐃᖕᒥᓐᓂᓪᓗ, ᓄᓇᒥᖕᓂᒃ ᓄᓇᓕᕐᔪᐊᒥᓂᓪᓗ.”

ᐃᓕᓐᓂᐊᖅᑐᓄᑦ ᐃᑲᔫᑏᑦ

ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᖕᒥᓂᖁᑎᖏᓪᓗ: ᕿᑭᖅᑖᓗᒃ ᓇᖕᒥᓂᖁᑎᖏᑦ ᑎᒥᖓ, ᕿᑭᖅᑖᓗᒃ ᒑᓯᑖᕐᕕᒃ ᓕᒥᑎᑦ ᐊᒻᒪᓗ ᕿᑭᖅᑕᓂ ᓴᓇᕕᓕᕆᓂᕐᒧᑦ ᓕᒥᑎᑦ; ᐅᐱᒍᓱᑉᐳᑦ ᒪᓂᒪᑎᑦᓯᒋᐊᒃᓴᖅ ᓯᑕᒪᓂᒃ ᐃᓕᓐᓂᐊᑲᓐᓂᖅᑐᓄᑦ ᐃᑲᔪᑎᒃᓴᓂᒃ $6,000-ᓂᒃ ᐅᑭᐊᑦᓵᑕᒫᑦ ᕿᑭᖅᑕᓂ ᓄᓇᖓᓂ ᐊᑎᖃᖃᑕᐅᔪᓄᑦ ᐱᓇᓱᐊᒐᓕᖕᓄᑦ ᐃᓕᓐᓂᐊᑲᓐᓂᓂᕐᒥᒍᑦ. ᐃᓱᓕᕝᕕᒃᓴᓕᒃ ᐱᓇᓱᐊᕈᒪᔪᓄᑦ ᐊᐅᒡᒍᓯ 29.

ᐃᓕᓐᓂᐊᖅᑐᓄᑦ ᐃᑲᔫᑏᑦ ᒪᓂᒪᑎᑕᐅᔪᑦ ᐅᑯᓂᖓ ᐃᓕᓐᓂᐊᖅᑐᓄᑦ:

  • ᑮᓇᐅᔭᓕᕆᓂᖅ, ᑮᓇᐅᔭᓕᕆᔾᔪᑏᑦ, ᐊᐅᓚᑦᓯᔨᐅᓂᕐᒥᓘᓐᓃᑦ
  • ᐊᕙᑎᓕᕆᓂᕐᒥᒃ ᐱᓕᕆᐊᒃᓴᓕᕆᓂᕐᒥᓘᓐᓃᑦ
  • ᓇᖕᒥᓂᖁᑎᒥᒃ ᐊᐅᓚᑦᓯᓂᕐᒥᒃ, ᐃᓪᓗᓕᐅᕐᓂᕐᒥᒃ ᓴᓇᔨᐅᓂᕐᒥᓘᓐᓃᑦ
  • ᓂᐅᕕᕐᕕᓕᕆᓂᕐᒥᒃ ᓇᖕᒥᓂᖁᑎᓕᕆᓂᕐᒥᓘᓐᓃᑦ

ᐱᓇᓱᐊᕈᒪᔪᓄᑦ ᐊᑐᐃᓐᓇᐅᑎᑕᐅᔪᖅ ᐃᑭᐊᖅᑭᕕᑦᑎᓐᓂ ᑎᑎᕋᕐᓯᒪᔪᑦ ᑐᒃᓯᕋᐅᓯᐅᕈᒪᔪᓄᑦ.

ᐃᖃᓗᐃᑦ ᓄᓇᓕᐸᐅᔭᖓᓂ ᓇᓪᓕᐅᓂᕐᓯᐅᖅᑐᑦ ᐊᑐᕆᐊᒃᑯᑦ ᒪᓕᑦᑎᒌᑦᑐᑎᒃ

ᐊᑕᐅᓯᐊᖅᑐᑎᒃ ᒪᕐᕈᐊᑎᕐᓱᑎᓪᓘᓐᓃᑦ ᐊᕐᕌᒍᒥ ᑲᒻᐸᓂ ᓴᓂᕐᕙᐃᖃᑦᑕᖅᑐᖅ ᐊᑐᕋᑦᓴᓂᒃ ᐃᓚᒋᔭᐅᓂᕐᒧᑦ ᓇᓕᐊᓐᓄᑐᐃᓐᓇᖅ ᑲᓇᑕᐅᑉ ᐅᓪᓗᖓᓂ ᓇᓪᓕᐅᓂᕐᓯᐅᓂᕐᒧᑦ ᐊᑐᕆᐊᒃᑯᑦ ᒪᓕᑦᑎᒌᑦᑐᓄᑦ ᐊᒻᒪᓗ/ᐅᕝᕙᓗᓐᓃᑦ ᐊᓂᕝᕕᐊᓂ/ᖁᕕᐊᓱᑉᕕᒻᒥ ᒪᓕᑦᑎᒌᑦᑐᓄᑦ. ᐊᓪᓛᑦ ᓯᓚ ᐃᒃᑮᓇᕐᓂᖃᕋᓗᐊᖅᑎᓪᓗ -55 ᐊᓄᕆᓂᖓᓄᑦ, ᐆᒻᒪᑎᑦᓯᐊᕆᓐᓂᕐᒥᓄᑦ ᐃᖅᑲᓇᐃᔭᖅᑎᖁᑎᕗᑦ ᕿᑐᕐᖓᖏᓪᓗ ᐃᓚᒋᔭᐅᕙᑦᑐᑦ ᐃᔾᔨᓕᕋᓗᐊᖅᑎᓪᓗᒍ ᖁᕕᐊᓱᒃᑎᑦᓯᓂᕐᒥᒃ ᓇᓪᓕᐊᓂᕐᓯᐅᓂᕐᓂ.

ᐃᖏᕐᕋᔭᕋᐅᑎᓂᐊᖅᑕᒥᓂᒃ ᓴᓇᖃᑎᒌᓐᓂᕐᒥᒍᑦ ᐱᓕᕆᖃᑎᒌᑦᓯᐊᐸᓪᓕᐊᓂᕐᒧᑦ ᐃᑲᔫᑎᖃᑦᑕᖅᑐᖅ ᑖᒃᑯᓇᓐᖓᓕᒫᖅ ᑲᒻᐸᓂᖁᑎᒋᔭᑦᑕ ᐃᖅᑲᓇᐃᔭᖅᑎᖏᓐᓂᒃ ᑲᑐᔾᔭᐅᓪᓗᓂ. ᐅᑭᐅᓂ ᖄᖏᖅᑐᓂ ᑲᑐᔾᔨᖃᑎᒋᓯᒪᔭᕗᑦ ᓄᓇᕗᒻᒥ ᐃᓪᓗᓕᐅᖅᑏᑦ ᑯᐊᐳᕇᓴᓐ ᐊᖏᓂᕐᓴᒥᒃ ᑐᓐᖓᕕᓕᐅᖅᑕᐅᓪᓗᑕ ᓴᓇᑐᔪᒻᒪᕆᐅᔪᓄᑦ ᓴᓇᔭᐅᕙᑦᑐᒧᑦ. ᐃᖏᕐᕋᔭᕋᐅᔾᔭᐅᔪᒃᓴᒫᒥ ᓴᖅᑭᔮᖅᑎᑕᐅᒐᔪᑦᑐᑦ ᐃᓄᐃᑦ ᐃᓕᖅᑯᓯᖓᓂᒃ ᑕᑯᑦᓴᐅᑎᑦᓯᓂᕐᒥᒃ.

ᑐᓐᓂᖅᑯᓯᐊᖑᓯᒪᔪᑦ:

  • ᑲᓇᑕ ᐅᓪᓗᖓ “ᑕᐸᐃᕐᓇᓂᕐᐹᖅ ᐃᖏᕐᕋᔭᕋᐅᔾᔭᓂ” 2006, 2007, 2009, ᐊᒻᒪᓗ 2010
  • ᑲᓇᑕ ᐅᓪᓗᖓ “ᓴᓇᑐᓂᕐᐹᖅ ᐃᖏᕐᕋᔭᕋᐅᔾᔭᓂ” 2012
  • ᑲᓇᑕ ᐅᓪᓗᖓ “ᒪᒃᑯᑦᑐᖃᑦᓯᐊᓛᖅ ᐃᖏᕐᕋᔭᕋᐅᔾᔭᓂ” 2013
  • ᖁᕕᐊᓱᕝᕕᒻᒥ “ᖁᕕᐊᓱᕝᕕᒻᒨᖓᑦᓯᐊᓂᕐᐹᑦ” 2005 ᐊᒻᒪᓗ 2012
  • ᖁᕕᐊᓱᕝᕕᒻᒥ “ᑕᑯᒥᓇᕐᓂᕐᐹᖅ” 2007, 2008, 2009, 2011 ᐊᒻᒪᓗ 2014

ᑕᑯᒋᐊᕈᓐᓇᖅᑕᑎᑦ ᑐᓐᓂᖅᑯᓯᐊᖅᑖᕆᓯᒪᔭᖏᑦ ᐃᖏᕐᕋᔭᕋᐅᑎᓯᒪᔭᖏᓐᓂ ᐅᕙᓂ ᐊᔾᔩᑦ.

ᑲᑎᓐᓂᐅᕙᑦᑐᓄᑦ ᐊᑭᓖᓯᒪᓂᖅ

ᐃᓚᒋᓪᓗᓂᐅᒃ ᐃᑲᔪᖃᑦᑕᓂᕐᒧᑦ ᐊᑭᓖᓯᒪᖃᑦᑕᓂᒃᑯᑦ ᐊᔾᔨᒌᓐᖏᑦᑐᓂ ᓴᓇᕖᑦ ᐱᔪᒐᕐᓴᐅᑎᓂᕐᒧᑦ ᑕᑯᑦᓴᐅᑎᑦᓯᓂᖏᓐᓂ ᑲᑎᓐᓂᐅᕙᑦᑐᓂᓗ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᑲᔪᖃᑦᑕᕐᓯᒪᕗᑦ ᐃᖃᓗᓐᓂ “ᑐᓂᖅᑕᐃ” ᓇᓪᓕᐅᓂᕐᓯᐅᓂᕐᓂ ᐃᓕᖅᑯᓯᒃᑯᑦ ᐅᐱᕐᖓᕐᓂᖓᓄᑦ ᓇᓪᓕᐅᓂᕐᓯᐅᕐᓂᐅᕙᑦᑐᒥᒃ. ᐊᕐᕌᒍᑕᒫᑦ ᑲᒻᐸᓂ ᐃᑲᔫᑎᒥᓂᒃ ᐊᐅᓪᓚᑎᑦᓯᖃᑦᑕᖅᑐᖅ ᕼᐊᒻᓚᑦᓕᒫᓄᑦ ᐃᑲᔫᑕᐅᓂᐊᖅᑐᒥᒃ ᐊᕐᕌᒍᑕᒫᑦ ᓄᓇᓖᑦ ᓇᓪᓕᐅᓂᕐᓯᐅᕐᓂᕆᕙᑦᑕᖏᓐᓄᑦ.

ᐃᑲᔪᖅᑕᐅᔾᔪᑎᒃᓴᓂᒃ ᐱᕕᑦᓴᐅᔪᖅ ᑮᓇᐅᔭᓕᑕᐅᔾᔪᑎᓂᒃ ᐃᑲᔪᖅᑕᐅᔾᔪᑎᓂᓪᓘᓐᓃᑦ ᑕᑯᒋᐊᕐᓗᒍ ᑎᑎᖅᑲᑦ ᑐᑭᓯᒋᐊᕐᕕᒃᓴᐅᔪᑦ ᑕᑕᑎᕋᑦᓴᖅᑕᖃᖅᑐᓂᓪᓗ.