ᕿᑭᖅᑕᓂ ᐃᖅᑲᓇᐃᔭᖅᑎᓕᕆᔨᒃᑯᑦ ᑎᒥᖓ

ᐱᓇᓱᐊᒐᖓ: ᐱᕚᓪᓕᕈᑎᒃᓴᓂᒃ ᐃᓅᓯᖃᑦᓯᐊᓂᕐᒧᑦ ᕿᑭᖅᑕᓂ ᓄᓇᖓᓂ ᐃᓄᖏᑦ ᓄᑖᑎᒍᑦ ᓴᖅᑭᐸᓪᓕᐊᔪᑎᒍᑦ, ᐃᑲᔫᑎᒃᓴᐅᔪᓐᓇᖅᑐᓂᒃ, ᐊᒻᒪᓗ ᐊᐅᓚᑦᓯᒍᓐᓇᑦᓯᐊᖅᑐᓂᒃ.

ᕿᑭᖅᑕᓂ ᐃᖅᑲᓇᐃᔭᖅᑎᓕᕆᔨᒃᑯᑦ ᑎᒥᖓ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᐅᔭᕋᓐᓂᐊᖅᑎᓂᒃ ᐊᒻᒪᓗ ᐅᖁᒪᐃᑦᑐᓂᒃ ᓴᓇᕕᒡᔪᐊᓕᕆᔨᓂᒃ ᖃᐅᔨᓴᖃᑦᑕᕐᓗᑎᒃ, ᐱᕚᓪᓕᕈᑎᒃᓴᓂᒃ, ᐱᓕᖕᒪᒃᓴᐃᓂᖅ ᐊᒻᒪᓗ ᐊᔪᓐᖏᓐᓂᕆᔭᐅᔭᕆᐊᓕᖕᓂᒃ ᐱᕙᓪᓕᐊᑎᑦᓯᓂᕐᒥᒃ ᐃᑲᔫᑎᒃᓴᒥᒃ ᐱᕙᓪᓕᐊᑎᑦᓯᓂᕐᒥᒃ ᐊᑯᓂᐅᔪᒧᑦ ᐋᖅᑭᑦᓯᒪᔪᓂᒃ ᐃᖅᑲᓇᐃᔮᒃᓴᓂᒃ ᐃᓄᓐᓄᑦ ᐊᒻᒪᓗ ᐊᓯᖏᓐᓄᑦ ᓄᓇᕗᒻᒥᐅᓄᑦ.

ᑲᒻᐸᓂ ᓴᖅᑭᖅᑕᐅᓚᐅᖅᑐᖅ 2013-ᒥ ᐱᕙᓪᓕᐅᑕᐅᖁᓪᓗᒍ ᐃᖅᑲᓇᐃᔭᖅᑐᓕᕆᓂᕆᕙᑦᑕᖓᓂᒃ ᕿᑭᖅᑖᓗᒻᒥ ᓱᓇᒃᑯᑖᖃᖅᑎᑦᑎᔨᐅᓚᐅᖅᑐᓄᑦ. ᐋᖅᑭᑦᓯᒪᔪᖅ ᒪᓂᒪᑎᑦᓯᖁᓪᓗᒍ ᐊᑕᖏᖅᑐᓂᒃ ᐃᖅᑲᓇᐃᔭᖅᑐᓕᕆᓂᕐᒨᖓᔪᓂᒃ ᐃᖅᑲᓇᐃᔭᖅᑐᓕᕆᔾᔪᑎᓄᓪᓗ ᓇᖕᒥᓂᖃᖅᑐᓄᑦ ᐊᐅᓚᑕᐅᔪᓄᑦ ᕿᑭᖅᑕᓂ ᓄᓇᖓᓂ ᓇᓗᓇᐃᖅᓯᓯᒪᒍᒪᔪᓂᒃ ᖁᑦᓯᑐᒻᒪᕆᒻᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒥᓂᒃ.

ᐅᑭᐅᕋᓴᒐᓚᓐᓂᒃ ᐊᐅᓚᑕᐅᓚᐅᖅᑐᖅ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᑲᒻᐸᓂᖁᑎᖏᓐᓄᓪᓗ ᓴᖅᑭᕈᑕᐅᓯᒪᔪᖅ ᐊᖏᔪᒻᒪᕆᐅᔪᒥᒃ ᓄᐊᑕᐅᓯᒪᔪᓂᒃ ᑲᑎᖅᓱᐃᕕᖕᒥ ᐊᑐᐃᓐᓇᐅᔪᓂᒃ ᐃᓄᓐᓂᒃ ᐃᖅᑲᓇᐃᔭᖅᑎᒃᓴᓂᒃ ᓄᓇᓕᖕᓂ ᕿᑭᖅᑕᓂ ᓄᓇᓕᒫᖓᓂ ᐱᓕᕆᒡᕕᐅᔪᓕᒫᑎᒍᑦ. ᓄᓇᓕᓐᓄᑦ ᐳᓚᕋᓐᓂᐅᖃᑦᑕᕐᓯᒪᔪᓂ ᑐᓴᖅᑎᑦᓯᒍᑕᐅᒋᐊᒃᑲᓐᓂᖃᑦᑕᕐᓯᒪᕗᖅ ᑐᑭᓯᔭᐅᑎᑕᐅᒋᐊᖅᑐᓂᓗ ᑖᓐᓇ.

ᑲᒻᐸᓂ ᐃᖅᑲᓇᐃᔭᖅᑎᓴᕐᓯᐅᖅᑐᖅ ᐅᑯᓄᓐᖓᖓᔪᓂᒃ: 

  • ᐃᓱᕐᕆᐅᑎᓕᕆᔩᑦ, ᓴᓇᔩᑦ, ᐅᖁᒪᐃᑦᑐᕐᓂᐅᓯᕆᔩᑦ
  • ᑐᓚᑦᑕᕐᕕᒃ, ᖃᖓᑕᔫᒃᑯᕕᒃ ᐊᒻᒪᓗ ᐊᖅᑯᑎᕐᔪᐊᓅᖓᔪᑦ ᐱᓕᕆᐊᒃᓴᑦ
  • ᐊᐅᓚᑦᓯᔩᑦ ᐃᑲᔪᖅᑎᐅᒍᓐᓇᑐᓪᓗ ᐱᓕᕆᔩᑦ
  • ᐊᖓᔪᖅᑳᕆᔭᐅᔪᑦ ᐋᖅᑭᐅᒪᑦᓯᔩᓪᓗ
  • ᐱᓕᕆᐊᒃᓴᓄᑦ ᐊᐅᓚᑦᓯᔩᑦ

ᐃᖅᑲᓇᐃᔭᖅᑐᓕᕆᓂᖅ ᐸᕐᓇᑕᐅᓯᒪᔪᖅ ᐃᖅᑲᓇᐃᔭᖃᑎᒌᓄᑦ ᐱᓇᓱᐊᖅᑕᐅᔪᖅ ᑭᒃᑯᑐᐃᓐᓇᕐᓄᑦ, ᐃᓚᒌᓄᑦ ᐊᒻᒪᓗ ᓄᓇᓕᖕᓄᑦ ᖃᐅᔨᒪᔭᐅᒋᐊᖅᑐᑎᒃ ᑕᒪᕐᒥᒃ ᐃᖅᑲᓇᐃᔮᖅᑖᕋᓱᐊᖅᑐᑦ ᐱᕙᓕᐊᒍᒪᔪᑦ ᐊᑯᓂᐅᔪᒧᑦ ᐃᖅᑲᓇᐃᔮᕆᒍᒪᔭᒥᓂᒃ ᓴᓇᒡᕕᒡᔪᐊᓂ ᐱᓕᕆᐊᓂ ᒪᓂᒪᑎᑦᓯᕕᐅᓗᑎᒃ ᐊᒻᒪᓗ ᑲᔪᓯᐊᑦᓯᐊᖁᓪᓗᒋᑦ ᐃᑲᔫᑎᒍᓐᓇᖅᑐᓂ ᐃᖅᑲᓇᐃᔮᓂ.

ᑎᑎᕋᖅᑕᐅᖃᑕᐅᒍᒪᒍᕕᑦ ᑕᑉᕗᖓ ᑲᑎᖅᓱᐃᕕᒻᒧᑦ ᐃᑲᔪᖅᑕᐅᒍᒪᒍᕕᓪᓘᓐᓃᑦ ᐃᖅᑲᓇᐃᔭᕈᒪᓂᕐᓄᑦ ᖃᐅᔨᒋᐊᕈᓐᓇᖅᑐᑎᑦ ᐅᕙᑦᑎᓐᓄᑦ ᐅᕗᖓ humanresources@qcorp.ca