ᕿᑭᖅᑖᓗᒃ ᒑᓯᑖᕐᕕᒃ ᓕᒥᑎᑦ

Baffin Gas

ᐱᓇᓱᐊᒐᖓ: ᑎᑭᐅᑎᓯᒪᑎᑦᓯᓂᖅ ᐱᔭᕆᐊᓕᖏᓐᓂᒃ ᐱᔪᒪᔭᖏᓐᓂᓪᓗ ᓂᐅᕕᕐᐸᑦᑐᑦ ᕿᑭᖅᑕᓂ ᓄᓇᖓᓂ ᐊᒻᒪᓗ ᓂᐅᕕᕐᕕᖃᕐᓗᓂ ᐅᓇᒻᒥᓇᕐᓂᕐᐸᐅᔪᓂᒃ ᐊᑭᖃᖅᑐᓂᒃ.

ᑲᒻᐸᓂ ᓴᖅᑭᖅᑕᐅᓚᐅᖅᑐᖅ 1999-ᒥ ᕿᑭᖅᑖᓗᒃ ᑯᐊᐳᕇᓴᒃᑯᑦ ᓂᐅᕕᕐᒪᑕ ᕿᑭᖅᑖᓗᒻᒥ ᐅᖅᓴᒃᕕᒃ ᐊᒻᒪᓗ ᓯᔾᔭᒦᑦᑐᒥᒃ ᐅᖅᓴᕕᒻᒥᒃ ᑲᑭᕙᒃ ᑲᑐᔾᔨᖃᑎᒌᖏᓐᓂᒃ. ᓯᔾᔭᒦᑦᑐᖅ ᐅᖅᓴᕐᕕᒃ ᒪᑐᓚᐅᖅᑐᖅ ᐊᒥᓲᓐᖏᑦᑐᓂᒃ ᐊᕐᕌᒍᓂᒃ. ᑕᐃᒪᓐᖓᓂᒃ ᑲᒻᐸᓂ ᐊᐅᓚᑕᖏᑦ ᐅᓄᕐᓂᕐᓴᐅᓕᖅᑐᖅ ᐃᓚᒋᔭᐅᓪᓗᑎᒃ ᕿᑭᖅᑖᓗᒻᒥ ᓂᕆᕕᕋᓛᖅ ᑳᐱᕐᕕᐅᓯᓐᓈᑦ ᐃᒡᓗᕗᑦ ᐃᓪᓗᖁᑖᓂ.

ᐅᖅᓴᒃᕕᒃ ᓯᕗᓪᓕᕐᐸᐅᒐᔪᑦᑐᖅ ᐃᖅᑲᓇᐃᔭᕆᐅᕐᕕᐅᓪᓗᓂ ᒪᒃᑯᑦᑐᓄᑦ ᐃᓄᓐᓄᑦ ᓱᓕ ᐃᓕᓐᓂᐊᕕᖕᒦᑦᓱᑎᒃ. ᓂᐅᕕᒃᓴᕆᓲᖏᑦ ᐅᖅᓱᖅ, ᐊᑲᕐᕆᔮᕈᑏᑦ ᐊᒻᒪᓗ ᓴᓗᒻᒪᕐᓴᐅᑏᑦ. ᐊᕐᕌᒍᑕᒫᑦ ᐊᐅᓚᑦᓯᖃᑦᑕᖅᑐᑦ ᐅᒥᐊᕐᔪᐊᑰᖅᑐᑦᓴᓂᒃ ᓂᐅᕕᕐᐸᑦᑐᓄᑦ ᐃᓱᕐᕆᐅᑎᒃᓴᒥᓂᒃ ᐊᖏᓈᕐᓯᒪᑎᓪᓗᒋᑦ ᓱᕋᑦᓯᕇᑦᑐᓂᒃ. ᐊᑲᐅᔪᒦᓐᓂᖓᓄᑦ ᐅᓕᓐᓂᕐᒥ ᖃᓂᒋᔭᖃᕐᓂᖓᓄᑦ ᐊᖅᑯᓴᕆᐊᒦᑦᑐᓂ ᐊᑐᕆᐊᒥ ᓄᖅᑲᕐᕕᐅᒐᔪᑦᑐᖅ ᓅᑉᐸᓪᓕᐊᔪᓄᑦ ᓄᓇᒃᑯᑦ ᑕᕆᐅᒃᑯᓘᓐᓃᑦ.

ᕿᑭᖅᑖᓗᒻᒥ ᓂᕆᕕᕋᓛᖅ ᑳᐱᕐᕕᒃ, ᒪᑐᐃᓚᐅᕐᓯᒪᔪᖅ ᑕᓪᓕᒪᑦ ᐊᕐᕌᒍᑦ ᐊᓂᒍᓕᖅᑐᑦ, ᓂᐅᕕᐊᒃᓴᓕᒃ ᐅᓪᓗᕈᒻᒥᓴᕐᓂᒃ, ᐅᖁᒻᒥᓗᒐᕐᓂᒃ ᑳᐱᓂᓪᓗ ᖃᐅᑕᒫᑦ ᓄᓇᓕᐸᐅᔭᐅᑉ ᕿᑎᐊᓃᑦᑐᓄᑦ. ᐱᔪᒐᕆᔭᐅᑦᓯᐊᖅᑐᒥᓪᓗ ᐸᔪᑦᑎᕆᔨᐅᕙᑦᑐᑦ ᑲᑎᒪᓂᕐᓄᑦ ᑲᑎᓐᓂᓄᓪᓗ. ᒫᓐᓇᒫᖑᓚᐅᖅᑐᖅ ᓂᐅᕕᐊᒃᓴᖃᓕᕋᑖᓚᐅᕐᒥᔪᑦ ᐊᕿᒡᒋᕐᐸᒥᓂᕐᓂᒃ ᐆᓯᒪᔪᓂᒃ ᐊᓐᓂᑎᒐᑦᓴᐅᔪᓂᒃ ᐊᒻᒪᓗ ᒪᒪᖅᑐᓂᒃ ᓰᓯᑦᓯᐊᕙᐅᓂᕐᐹᓂᒃ ᓯᓚᕐᔪᐊᒥ.

ᓱᓕᒃᑲᓐᓂᖅ ᑕᑉᕗᖓ, ᐱᔨᑦᓯᕈᑏᑦ, ᐊᐅᓚᑦᓯᒻᒥᔪᖅ ᐊᒥᓱᒐᓚᓐᓂᒃ ᑮᓇᐅᔭᓂᒃ ᐊᓂᐊᑦᓯᕕᓐᓂᒃ ᓄᓇᓕᐸᐅᔭᐅᑉ ᐃᓗᓕᒫᖓᓂ ᐊᒻᒪᓗ ᓰᕐᓇᖅᑐᓂᒃ ᑲᑕᒑᑎᑦᓯᕕᓐᓂᒃ ᐋᖅᑭᑦᓯᒪᑦᓯᓪᓗᑎᒃ ᑕᒫᓂ. ᕿᑭᖅᑖᓗᒃ ᒑᓯᑖᕐᕕᒃ ᓕᒥᑎᑦ ᐃᓚᒋᔭᐅᖃᑦᑕᕐᓯᒪᒻᒥᔪᖅ ᐊᑭᑦᑐᕋᐅᑎᒍᑕᐅᔪᓄᑦ ᒐᕙᒪᑦ ᐊᑐᕆᐊᖃᖃᑦᑕᖅᑕᖏᓐᓄᑦ ᐱᔭᕆᐊᖃᕐᓂᕐᒥᒍᑦ.

2014 ᓄᖑᑉᐸᓪᓕᐊᓂᖓᓂ ᑲᒻᐸᓂ ᐊᖏᓪᓕᒋᐊᕈᑎᖃᒃᑲᓐᓂᓚᐅᕐᐳᖅ ᒪᑐᐃᕐᓯᑲᓐᓂᕐᒪᑦ ᐃᖃᓗᓐᓂ. ᖃᖅᑲᒥᐅᒥᓃᑦ ᓄᓇᖓᓂ ᓂᐅᕕᕐᕕᕋᓛᖅ ᐱᔪᒐᕐᓴᐅᑕᐅᕙᓪᓕᐊᔪᖅ ‘ᐅᐸᒍᒥᓇᖅᑐᖅ’ ᐊᒻᒪᓗ ᓄᓇᖃᖅᑐᓄᑦ “ᐱᐅᓂᕐᐹᒥᒃ” ᑳᐱᕐᕕᐅᖃᑦᑕᕈᓐᓇᕐᓂᐊᓕᖅᑐᖅ, ᐅᖁᒻᒥᓗᒐᕐᓂᒃ ᐊᒻᒪᓗ ᐊᓯᖏᓐᓂᒃ ᐱᔭᕆᐊᖃᖃᖅᑲᖅᑐᓂᒃ.