ᐅᑭᐅᖅᑕᖅᑐᒥ ᑭᖑᒃᐸᖕᓂᒃ ᖃᐅᔨᓴᖅᑏᑦ ᑐᑦᑕᕐᕕᖓ

ᖃᐅᔨᓴᕐᓂᕐᒧᑦ ᐊᐅᓚᓂᖃᓗᐊᓚᐅᓐᖏᓐᓂᖓᓄᑦ ᐊᒻᒪᓗ ᖃᐅᔨᓴᖅᑎᕐᔪᐊᓄᑦ ᖃᐅᔨᓴᕈᑕᐅᓯᒪᔪᓂᒃ ᐅᑭᐅᖅᑕᖅᑐᒥ, ᐃᑭᕐᒥ ᓚᐃᓴᒥᒃ ᑎᒍᒥᐊᖅᑏᑦ ᓴᖅᑮᓚᐅᖅᑐᑦ ᐅᑭᐅᖅᑕᖅᑐᒥ ᑭᖑᑉᐸᓐᓂᒃ ᖃᐅᔨᓴᖅᑐᓕᕆᔨᒃᑯᑦ ᑐᑦᑕᕐᕕᖓᓂᒃ ᐊᑭᓕᖅᑕᐅᓯᒪᔪᑎᒍᑦ ᒐᕙᒪᑐᖃᒃᑯᓐᓂᒃ ᖃᐅᔨᓴᖅᑎᕐᔪᐊᓄᑦ ᖃᐅᔨᓴᕈᑎᒃᓴᓂᒃ ᐅᓂᒃᑳᕐᓯᐅᖅᑕᐅᖃᑦᑕᓂᖏᑎᒍᑦ ᐅᑭᐅᖅᑕᖅᑐᒥᐅᑦ. ᐃᒪᕐᒥᐅᑕᓕᕆᔨᒃᑯᑦ ᐃᑲᔫᑎᖃᕐᓗᑎᒃ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᑕ ᐅᖃᐅᔾᔨᒋᐊᕈᑎᖏᓐᓂᒃ ᐆᑦᑐᕋᐅᑎᓂᒃ ᓴᓇᒻᒪᓂᒃ ᐊᒻᒪᓗ ᖃᐅᔨᓴᖅᑕᐅᓗᑎᒃ ᖃᐅᔨᓴᕈᑎᒥᓃᑦ ᑲᑎᖅᓱᖅᑕᐅᓯᒪᔪᑦ.

ᐃᓚᖓᓂ ᐱᓕᕆᐊᖑᔪᖅ 2011-ᒥ, ᓯᕗᓕᖅᑕᐅᓪᓗᓂ ᑐᑦᑕᕐᕕᖕᒥᒃ, ᐃᓚᓕᐅᔾᔭᐅᓚᐅᖅᑐᖅ ᓄᓇᓐᖑᐊᒨᖅᑲᐃᓂᕐᒧᑦ ᐊᑐᖅᑕᐅᔪᓐᓇᖅᑐᒥᒃ ᐊᑐᖃᑦᑕᖅᑐᒥᒃ ᐊᑕᐅᓯᕐᒥᒃ ᕿᓐᖑᐊᕈᑎᓕᒻᒥᒃ ᓄᐊᑦᓯᔾᔪᑕᐅᓪᓗᓂ ᐃᒪᐅᑉ ᐃᑎᓂᖓᓂᒃ ᐊᒻᒪᓗ ᐃᖅᑳᓂᒃ ᖃᓄᐃᑦᑑᒻᒪᖓ ᖃᐅᔨᓴᕈᑏᑦ ᓄᐊᑕᐅᓪᓗᑎᒃ ᐅᑭᐅᖅᑕᑐᒥ ᑭᖑᑉᐸᑦ ᓇᔪᒐᕆᕙᑦᑕᖏᓐᓂ. ᐱᓕᕆᐊᖑᔪᖅ ᖃᐅᔨᓇᓱᐊᕈᑕᐅᔪᖅ ᐊᔾᔨᒌᓐᖏᒻᒪᖔᑕ ᕿᓐᖑᐊᕈᑎᒃᑯᑦ ᖃᐅᔨᓴᖅᑕᐅᖃᑦᑕᖅᑐᑦ, ᓇᓗᓇᐃᖅᑕᐅᓯᒪᓂᖏᓐᓂ ᐊᐅᓚᑕᐅᔪᑦ ᑭᓪᓕᖏᓐᓄᑦ, ᐃᒪᐅᑉ ᐃᑎᖓᓂ, ᐊᒻᒪᓗ ᑕᕆᐅᖅ ᖃᓄᐃᑦᑑᓂᖓ ᓴᖅᑭᕈᑕᐅᒍᓐᓇᖅᑐᖅ ᐅᔾᔨᓇᖅᑐᒥᒃ ᐊᔾᔨᒌᓐᖏᓐᓂᖓᓂᒃ ᖃᓄᐃᑦᑑᓂᖓᒍᑦ ᑎᑎᕋᖅᑕᐅᓯᒪᓂᖏᑎᒍᑦ ᖃᐅᔨᓴᕈᑎᒥᓃᑦ.