ᓄᓇᕗᒻᒥ ᐃᑭᕐᒥ ᑰᑕᓂᒃ ᑎᒍᒥᐊᖅᑏᑦ ᑲᑐᔾᔨᖃᑎᒌᖏᑦ

ᑕᐃᒪᓐᖓᓂᒃ ᓄᓇᕗᑦ ᑲᓇᑕᒥ ᓄᑖᖑᓂᕐᐹᖑᓪᓗᓂ ᐊᕕᑦᑐᕐᓯᒪᓂᖅᑖᖑᓚᐅᕐᒪᓂᒃ ᐅᑭᐅᖅᑕᖅᑐᒥ 1999-ᒥ, ᐅᔾᔨᕐᓇᖃᑦᑕᕐᓯᒪᔪᖅ ᐊᒻᒪᓗ ᑲᒪᓇᖅᑐᓂ ᐱᕙᓪᓕᐊᓂᕆᓯᒪᔭᖓ ᑖᒃᑯᓄᖓ ᐊᒃᑐᐊᔪᓄᑦ ᐃᑭᕐᒥ ᐃᖃᓗᓕᕆᓂᕐᒧᑦ ᐊᑯᑭᑦᑐᒥᐅᑦ ᖃᓕᕋᓕᑦᓴᔭᖏᓐᓂᒃ ᑭᖑᑉᐸᓂᓪᓗ. ᓇᓗᓇᐃᕐᓯᒪᖁᓪᓗᒍ ᐱᕈᕐᐸᓪᓕᐊᖏᓐᓇᕈᑎᒃᓴᖓᓄᑦ ᓴᓇᕕᓕᕆᔨᐅᔪᑦ ᐊᒻᒪᓗ ᐊᑕᐅᓯᕐᒥᒃ ᓂᐱᖃᕈᓐᓇᖁᓪᓗᒋᑦ ᐊᑲᐃᓪᓕᐅᕈᑎᓄᑦ ᐃᓱᒫᓘᑎᓄᓪᓗ ᐃᖃᓗᓕᕆᓂᕐᒧᑦ ᓄᓇᕗᑦ ᐃᑭᖓᓂ ᑐᓂᔭᐅᖃᑦᑕᖅᑐᓄᑦ ᑎᒍᒥᐊᖅᑎᓄᑦ ᐱᓐᖑᑎᑦᓯᓚᐅᖅᑐᑦ ᓴᓇᕕᓕᕆᓂᕐᒧᑦ ᑲᑐᔾᔨᖃᑎᒌᓂᒃ, “ᓄᓇᕗᑦ ᐃᑭᖓᓂ ᑰᑕᓂᒃ ᑎᒍᒥᐊᖅᑏᑦ ᑲᑐᔾᔨᖃᑎᒌᖏᑦ (NOAHA)”.

ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᓯᑕᒪᓂᒃ ᑲᑐᔾᔨᖃᑎᒌᓂᒃ ᐱᓇᓱᐊᖃᑕᐅᕙᑦᑐᓂᒃ ᑰᑕᑎᒍᑦ ᐃᒪᖏᓐᓂ ᐊᒃᑐᐊᓂᓕᓐᓂ ᓄᓇᕗᒻᒧᑦ.

NOAHA’s ᐱᓇᓱᐊᒐᕆᕙᑦᑕᖏᑦ:

  • ᐊᔪᐃᓐᓇᕐᓂᖅ ᐅᓄᕐᓯᒋᐊᖅᑕᐅᖁᓪᓗᒋᑦ ᑰᑕᑦ ᓄᓇᕗᒻᒥ ᐊᒃᑐᐊᔪᓄᑦ ᐃᒪᖏᓐᓄᑦ.
  • ᓴᓇᕕᔾᔪᐊᑦ ᑲᑎᒪᓂᖏᓐᓅᖃᑕᓂᕐᒥᒃ ᐊᒻᒪᓗ ᓯᕗᒧᐊᒃᑎᑦᓯᓂᕐᒥᒃ ᓄᓇᕗᑦ ᑕᑯᓐᓇᑦᑕᖏᓐᓂᒃ ᐊᔾᔨᒌᓐᖏᑦᑐᓅᖓᔪᓂᒃ ᐊᑲᐃᓪᓕᐅᕈᑎᓂᒃ ᐊᒃᑐᐃᓂᖃᖃᑦᑕᕐᓂᖏᓐᓄᑦ ᓄᓇᕗᒻᒥ ᑮᓇᐅᔭᓕᐅᕋᓱᐊᕈᑕᐅᔪᓂᒃ ᐃᖃᓗᓕᕆᓂᕐᒧᑦ ᐊᒻᒪᓗ ᐃᓚᒋᔭᐅᔪᖁᑎᖏᓐᓄᑦ.
  • ᐊᔪᐃᓐᓇᕈᑎᒃᓴᓂᒃ ᒐᕙᒪᓂᒃ: ᓄᓇᕗᑦ ᒐᕙᒪᖓᓂᒃ ᐊᒻᒪᓗ ᒐᕙᒪᑐᖃᒃᑯᓐᓂᒃ ᐊᒃᑐᐊᓂᖃᕐᓂᖏᓐᓄᑦ ᐊᑲᐃᓪᓕᐅᕈᑎᓄᑦ ᐊᒃᑐᐊᓂᓕᓐᓄᑦ ᐃᖃᓗᓕᕆᓂᕐᒧᑦ.
  • ᐊᓯᖏᓐᓅᖓᔪᑦ ᐱᓇᓱᐊᖅᑕᐅᕙᑦᑐᓄᑦ ᐱᖕᒪᕆᐅᔪᖁᑎᒋᔭᐅᔪᓄᑦ ᑮᓇᐅᔭᓕᐅᕋᓱᐊᖅᑏᑦ ᐃᖃᓗᓕᕆᓂᕐᒧᑦ ᓂᐱᖏᑦ ᑐᓴᖅᑕᐅᖁᓪᓗᒋᑦ.