ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ

ᐱᓇᓱᐊᒐᖓ: “ᓴᓇᕝᕕᒡᔪᐊᓄᑦ ᐱᔨᑦᓯᕋᖅᑎᐅᓗᑎᒃ ᐱᓗᐊᖅᑐᒥ ᐅᔭᕋᓐᓂᐊᖅᑎᓄᑦ, ᐅᖅᓱᐊᓗᓐᓂᐊᖅᑎᓂᓪᓗ ᐃᑲᔪᕐᓗᑎᒃ ᐱᓕᕆᐊᓂᒃ ᐱᕙᓪᓕᐊᑎᑦᓯᔪᓄᑦ ᐊᒻᒪᓗ ᑲᒻᐸᓂᓄᑦ ᐊᐅᓚᓂᓕᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.”

ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ 100% ᓇᖕᒥᓂᖁᑎᖓ ᐃᓄᐃᑦ ᓇᖕᒥᓂᖁᑖ ᑲᒻᐸᓂᖁᑖ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᒪᓂᒪᑎᑦᓯᖃᑦᑕᖅᑐᖅ ᐃᓄᖕᓄᑦ ᓇᖕᒥᓂᖁᑕᐅᔪᓂᒃ ᓴᓇᒡᕕᔾᔪᐊᓄᑦ ᐊᐅᓚᑦᓯᒍᑎᒃᓴᓂᒃ ᐱᓕᕆᐊᖏᑎᒍᑦ ᐊᒻᒪᓗ ᑲᒻᐸᓂᓄᑦ ᐊᐅᓚᑦᓯᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᑐᕌᒐᓪᓗᐊᑕᖓ ᕿᑭᖅᑕᓂ ᓴᓇᕕᓕᕆᔨᒃᑯᑦ ᑎᒥᖁᑖᑕ ᓴᓇᒡᕕᔾᔪᐊᓕᕆᔨᐅᔪᑦ ᐊᒻᒪᓗ ᐱᓗᐊᖅᑐᒥ, ᑭᓯᐊᓂ ᑖᒃᑯᓄᖓᑑᓐᖏᑦᑐᖅ ᐅᔭᕋᓐᓂᐊᖅᑎᓄᑦ, ᐅᖅᓱᐊᓗᓐᓂᐊᖅᑎᓄᓪᓗ.

ᐱᔨᑦᓯᕈᑎᒋᓯᒪᔭᖏᑕ ᐃᓚᖏᑦ ᐅᓪᓗᒥᒧᑦ:

  • ᐃᖅᑲᓇᐃᔭᖅᑎᓴᕐᓯᐅᕐᓂᖅ ᐃᖅᑲᓇᐃᔭᖅᑐᓕᕆᓂᕐᓗ
  • ᐸᔪᑦᑎᕆᔨᐅᓂᖅ ᑕᒻᒫᕐᓯᒪᕕᓕᕆᓂᕐᓗ
  • ᐊᐅᓪᓚᖅᑐᓕᕆᓂᖅ
  • ᓯᕐᓗᐊᓕᕆᓂᖅ
  • ᐊᑐᕆᐊᓕᕆᓂᖅ ᐊᐳᑕᐃᔭᐃᓂᕐᓗ
  • ᐊᕙᑎ ᓴᓗᒻᒪᓴᖅᑕᐅᓂᖓᓂᒃ ᐃᖃᓗᓐᓂ ᐊᓯᖏᓐᓂᓗ ᓄᓇᓕᓐᓂ
  • ᐱᕙᓪᓕᐊᔾᔪᑎᒃᓴᓕᕆᓂᖅ
  • ᐱᓕᒻᒪᒃᓴᕐᓂᖅ (ᑲᑐᔾᔨᖃᑎᒌᑦ, ᑮᓇᐅᔭᓂᒃ ᑐᒃᓯᕋᐅᑏᑦ ᐊᒻᒪᓗ ᐃᓕᓐᓂᐊᕈᑎᒃᓴᓄᑦ ᐃᑲᔫᑏᑦ)

ᕿᑭᖅᑕᓂ ᓴᓇᕕᓕᕆᔨᒃᑯᑦ ᑎᒥᖓ ᐱᓕᕆᐊᒃᓴᓕᒃ ᑎᓕᓯᔾᔪᑏᑦ ᑐᕋᐃᓐᓇᖃᑦᑕᖅᑐᑦ ᐊᒃᑐᐊᓂᓕᓐᓄᑦ ᐅᑯᓄᓐᖓᖓᔪᓂᒃ ᐱᖓᓱᓪᓗᐊᑕᕐᓄᑦ ᐊᐅᓚᑕᐅᔪᓄᑦ:

  1. ᐱᕚᓪᓕᕈᑎᒃᓴᑦ, ᐋᔩᕋᕐᓂᖅ ᐊᒻᒪᓗ ᐃᓱᓕᒍᑎᖃᕐᓂᖅ ᑳᓐᑐᓛᒃᑯᑦ ᐊᖏᖃᑎᒌᒍᑎᓂᒃ ᐊᖏᔫᑎᓄᑦ ᓴᓇᕝᕕᔾᔪᐊᓂ ᓂᐅᕕᓪᓗᐊᑕᕐᐸᑦᑐᓄᑦ, ᐃᖅᑲᓇᐃᔭᖅᑎᓴᕐᓯᐅᓂᒃᑯᑦ ᑐᒃᓯᕋᐅᑎᑎᒍᑦ ᐊᒻᒪᓗ ᓂᐅᕕᖃᑦᑕᖅᑐᓕᕆᓂᕐᒧᑦ ᐊᐅᓚᓂᐅᕙᑦᑐᓄᑦ.
  2. ᐃᓱᓕᒍᑎᖃᕐᓂᖅ ᑳᓐᑐᓛᒃᑕᐅᓯᒪᔪᓄᑦ ᐃᑲᔪᖅᑎᐅᓂᕐᒧᑦ ᐊᖏᖃᑎᒌᒍᑎᓂᒃ ᓂᐅᕕᖃᑦᑕᖅᑐᓕᕆᓂᕐᒧᑦ ᐊᐅᓚᓂᐅᕙᑦᑐᓄᑦ ᐊᑕᐅᓯᕐᒧᑦ ᐊᑕᐅᓯᐅᓐᖏᑦᑐᒧᓪᓘᓐᓃᑦ ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖᓂ ᐃᓕᓐᓂᐊᕐᓯᒪᔭᕆᐊᓕᖕᓂᒃ ᐱᔨᑦᓯᕈᑎᓄᑦ ᑲᒻᐸᓂᓂᒃ, ᐋᖅᑭᐅᒪᑦᓯᓂᖅ ᐊᐅᓚᑕᐅᓂᖏᓐᓂᒃ ᐱᔨᑦᓯᕈᑏᑦ ᑳᓐᑐᓛᒃᑕᐅᓯᒪᔪᑦ ᐱᒋᐊᕐᓂᖓᓂᒃ.
  3. ᖃᐅᔨᓴᖃᑦᑕᕐᓂᖅ ᐋᖅᑭᐅᒪᑦᓯᒍᑎᓂᓪᓗ ᐊᐅᓚᑦᓯᓂᖅ ᐊᑕᖏᖅᑐᓂᒃ ᑳᓐᑐᓛᒃᑯᑦ ᐊᐅᓚᑦᓯᒍᑕᐅᒋᐊᓕᓐᓂᒃ ᓈᖕᒪᓯᐊᖅᑐᒃᑯᑦ ᑲᔪᓯᑎᑦᓯᖃᑦᑕᓂᕐᒥᒃ ᑳᓐᑐᓛᑎᒍᑦ ᐱᓕᕆᐊᒃᓴᓂᒃ: ᐅᓗᕆᐊᓇᖅᑐᓕᕆᓂᕐᒥᒃ, ᑮᓇᐅᔭᓕᕆᓂᕐᒥᒃ ᐊᒻᒪᓗ ᓈᖕᒪᓯᐊᖅᑐᒥᒃ ᐊᐅᓚᑦᓯᔨᐅᑦᓯᐊᓂᕐᒥᒃ ᐊᒻᒪᓗ ᐋᖅᑭᐅᒪᑦᓯᓂᕐᒧᑦ ᐊᐅᓚᑦᓯᒍᑎᓂᒃ.

ᐊᐅᓚᑦᓯᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᔨᑦᓯᕈᑎᒃᓴᓂᒃ, ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ ᐱᓕᕆᖃᑎᖃᖃᑦᑕᖅᑐᖅ ᓇᓕᑐᐃᓐᓇᖏᑎᒍᑦ ᓯᕗᓕᖅᑎᐅᓂᕐᒧᑦ ᑳᑐᓐᓛᒃᑕᐅᓯᒪᓂᒃᑯᑦ ᐅᕝᕙᓗᓐᓃᑦ ᑳᓐᑐᓛᒃᑕᐅᓯᒪᔪᓄᑦ ᐃᑲᔪᖅᑎᐅᓂᕐᒥᒃ ᐊᓯᖏᓐᓄᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ ᑲᒻᐸᓂᖁᑎᖏᓐᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᒃᓴᓄᑦ ᑲᑐᔾᔨᖃᑎᒌᑦᑐᓄᑦ ᓲᕐᓗ ᕿᑭᖅᑖᓗᒃ ᐃᓅᓕᓴᐃᔩᑦ ᑯᐊᐳᕇᓴᓐ, ᕿᑭᖅᑖᓗᒃ ᐊᕙᑎᓕᕆᔨᒃᑯᑦ, ᕿᑭᖅᑖᓗᒃ ᑯᐊᐳᕇᓴᓐ-ᓯᑳᓕᑦ ᒥᐊᓂᖅᓯᔩᑦ, ᑐᕉᒫᓐ ᐅᑭᐅᖅᑕᖅᑐᒥ, ᕿᑭᖅᑕᓂ ᓯᕗᓪᓕᖅ ᖃᖓᑕᔫᖏᑦ, ᓄᓇᕗᒻᒥ ᐅᓯᑲᑦᑕᖅᑏᑦ ᐊᒻᒪᓗ ᐅᓄᖅᑐᓄᑦ ᐊᓯᖏᓐᓄᑦ.