ᕿᑭᖅᑖᓗᒃ ᑯᐊᐳᕇᓴᓐ−ᑲᐃᕗᐃᑦ ᓴᓇᔩᑦ ULC

ᑲᐅᕕᑦ ᓄᐊᔅ ᐊᒥᐊᓕᒃᑲᒥ ᐊᖏᓂᕐᐹᖑᖃᑕᐅᔪᖅ ᖃᐅᔨᒪᔮᖑᑦᓯᐊᓂᕐᐹᖑᓪᓗᓂᓗ ᓴᓇᔨᓂ ᓴᓇᒻᒪᓕᕆᔨᓂᓗ ᑲᑐᔾᔨᖃᑎᒌᓂ. ᐃᖅᑲᓇᐃᔭᖅᑎᓄᑦ-ᓇᖕᒥᓂᖁᑕᐅᔪᖅ ᑲᒻᐸᓂ ᐊᐅᓚᓂᓕ ᑲᓲᒪᓂᓕᓐᓂᒃ ᐊᓪᓚᕝᕕᖕᓂᒃ ᐱᓕᕆᐊᑎᒍᓪᓗ ᒥᐊᓕᒐᕐᓂ, ᑲᓇᑕᒥ ᐊᒻᒪᓗ ᐋᔅᑐᕆᓕᐊᒥ. ᑕᒪᕐᒥᑲᓴᒃ ᓴᓇᔭᐅᖃᑦᑕᖅᑐᑦ ᐱᓕᕆᐊᑦ ᐃᖅᑲᓇᐃᔭᖅᑎᓖᑦ ᐊᑕᐅᓯᕐᒥᒃ ᐊᑕᐅᓯᐅᓐᖏᑦᑐᒥᓪᓘᓐᓃᑦ ᓇᖕᒥᓂᖃᖅᑐᓃᓐᖔᖅᑐᓂᒃ ᑲᒻᐸᓂᖁᑎᑦᑎᓐᓂᒃ.

ᑲᒻᐸᓂ ᒪᓂᒪᑎᑦᓯᖃᑦᑕᖅᑐᖅ ᓴᓇᔨᓂᒃ ᓴᓇᒻᒪᓕᕆᔨᓂᓪᓗ ᐊᔾᔨᒌᓐᖏᑦᑐᓂ ᐱᔪᒐᕐᓴᐅᑕᐅᕙᑦᑐᓂ ᐃᓚᒋᔭᐅᓪᓗᑎᒃ; ᐃᖏᕐᕋᔾᔪᑎᓕᕆᓂᖅ, ᐃᒥᕐᒧᑦ/ᐅᐊᑦᑕᑯᓂᓪᓗ, ᐅᖁᒪᐃᑦᑐᓕᕆᓂᕐᒧᑦ ᐃᓄᓕᒫᓄᑦ ᐊᑐᕋᑦᓴᓂᒃ, ᐆᒻᒪᖅᑯᑏᑦ, ᐅᖅᓱᐊᓗᒃ, ᒑᓯ ᐊᒻᒪᓗ ᓴᕕᕋᔭᒃᓴᓖᑦ, ᐃᓪᓗᓕᐅᕐᓂᖅ ᐅᔭᕋᓐᓂᐊᓂᕐᓗ. ᓄᑖᖅ ᑎᒥᐅᔪᖅ ᐊᐅᓚᑦᓯᓂᐊᖅᑐᖅ ᓄᓇᕗᓕᒫᒥ ᐱᔾᔪᑎᖃᕐᓗᓂ ᑎᒍᓯᕙᓪᓕᐊᓇᓱᐊᕐᓂᕐᒥᒃ ᓴᓇᔭᕆᐊᓕᓐᓂᒃ ᐅᔭᕋᓐᓂᐊᓂᕐᒥᓗ ᐱᓕᕆᐊᖑᔪᓂᒃ ᐱᕙᓪᓕᐊᑎᑦᓯᑲᓐᓂᕋᓱᐊᕐᓂᕐᒧᑦ ᐊᒻᒪᓗ ᒪᑭᒪᔾᔪᑎᓂᒃ ᐱᕙᓪᓕᐊᑎᑦᓯᓂᕐᒧᑦ ᓄᓇᒋᔭᑦᑎᒍᑦ.