ᓄᓇᓯ ᑯᐊᐳᕇᓴᓐ

ᓄᓇᓯ ᑕᑯᓐᓇᒐᖓ ᐱᔪᓐᓇᕐᓂᓕᒫᖓᒍᑦ ᖄᖏᕐᓂᑯᓕᐅᕈᔾᔨᖃᑦᑕᓂᕐᒥᒃ ᓇᖕᒥᓂᖁᑎᖃᕐᓂᕐᒧᑦ ᑎᒍᒥᐊᖅᑎᖁᑎᑦᑎᓐᓂᒃ ᐊᒻᒪᓗ ᓴᖅᑭᐅᒪᑦᓯᓂᕐᒥᒃ ᐱᓕᖕᒪᒃᓴᐅᑎᓂᒃ, ᐃᖅᑲᓇᐃᔮᓂᒃ, ᐊᒻᒪᓗ ᒪᑭᒪᔾᔪᑎᒃᓴᓄᑦ ᐱᕙᓪᓕᐊᒍᑎᒃᓴᓂᒃ ᐃᓄᓐᓄᑦ ᓄᓇᕗᒻᒥ ᑎᒍᓯᕙᓪᓕᐊᖁᓪᓗᒋᑦ ᖃᐅᔨᒪᓂᕐᒥᒃ ᑲᒪᖃᑦᑕᓂᕐᒥᓪᓗ ᐊᔪᕈᓐᓃᕈᑎᒋᓂᐊᖅᑕᖏᓐᓂᒃ ᒪᑭᒪᑉᐸᓪᓕᐊᔾᔪᑎᒃᓴᒥᓂᒃ ᓇᖕᒥᓂᖅᓱᕐᓗᑎᒃ.

ᓄᓇᓯ ᑯᐊᐳᕇᓴᒃᑯᑦ ᑐᓂᓯᒪᔪᑦ ᓴᖅᑮᓂᕐᒥᒃ ᒪᑭᒪᑦᓯᐊᕈᑎᒃᓴᖏᓐᓂᒃ ᓄᓇᕗᒻᒥᓄᑦ. ᓄᓇᓯ ᐱᕚᓪᓕᑎᑦᓯᓂᐊᖅᑐᖅ ᑎᒍᒥᐊᖅᑎᐅᖃᑕᐅᔪᖁᑎᑦᑎᑦᑕ ᑮᓇᐅᔭᓕᐅᕋᓱᐊᕈᑎᖏᓐᓂᒃ ᐅᓄᖅᑐᑎᒍᑦ ᐱᐅᓂᕐᐹᒃᑯᑦ ᓇᖕᒥᓂᖃᖅᑐᓄᑦ ᑮᓇᐅᔭᓕᐅᕈᑎᒃᓴᖏᓐᓄᑦ. ᓄᓇᓯᒃᑯᑦ ᐃᑲᔪᖅᑐᖅ ᓇᖕᒥᓂᖁᑕᐅᔪᓂᒃ ᑎᒍᒥᐊᖅᑎᖁᑎᑦᑕ ᑐᑭᒧᐊᒍᑎᒃᓴᖏᓐᓂᒃ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐃᖅᑲᓇᐃᔮᓄᑦ ᐱᓕᖕᒪᒃᓴᐅᑎᓄᓪᓗ, ᒥᐊᓂᕐᓯᓯᐊᕐᓂᕐᒧᑦ ᐊᕙᑎᑦᑎᓐᓂᒃ ᐃᓕᖅᑯᓯᑦᑎᓂᓪᓗ, ᐃᓅᓯᕐᒧᑦ ᒪᑭᒪᔾᔪᑎᓄᓪᓗ ᓯᕗᒧᐊᒃᐸᓪᓕᐊᒍᑎᒃᓴᖏᓐᓂᒃ ᐃᓄᐃᑦ.

ᓄᓇᓯ ᑯᐊᐳᕇᓴᒃᑯᑦ 100% ᐃᓄᓐᓄᑦ ᓇᖕᒥᓂᖁᑕᐅᔪᑦ ᐊᒻᒪᓗ ᓄᓇᕗᒻᒥ ᓇᖕᒥᓂᖃᖅᑐᑦ ᐱᕙᓪᓕᐊᒍᑎᒃᓴᖏᓐᓄᑦ ᑲᒻᐸᓂᓄᑦ.

1976-ᒥ ᐃᓄᐃᑦ ᑕᐱᕇᑦ ᑲᓇᑕᒥ ᐱᓐᖑᑎᑦᓯᓚᐅᖅᑐᑦ ᐃᓄᐃᑦ ᐱᕙᓪᓕᐊᔪᓕᕆᔩᑦ ᑯᐊᐳᕇᓴᒃᑯᓐᓂᒃ (ᒫᓐᓇ ᖃᐅᔨᒪᔭᐅᒍᑎᖃᓕᖅᑐᑦ ᓄᓇᓯ ᑯᐊᐳᕇᓴᓐ). ᑯᐊᐳᕇᓴᒃᑯᑦ ᓴᖅᑭᖅᑕᐅᓚᐅᖅᑐᑦ ᐱᔾᔪᑎᖃᖅᑐᑎᒃ ᐃᑲᔪᖅᑕᐅᔾᔪᑎᒃᓴᖏᓐᓄᑦ ᐃᓄᐃᑦ ᑐᓐᖓᕕᒋᔭᐅᔾᔪᑎᒃᓴᖏᓐᓄᑦ ᓴᓐᖏᓂᖃᕐᓗᑎᒃ ᐅᓪᓗᒥ ᑮᓇᐅᔭᓕᐅᕋᓱᐊᕈᑕᐅᕙᑦᑐᓄᑦ. ᐅᓪᓗᒥ, ᓄᓇᓯ ᑮᓇᐅᔭᓕᐅᕋᓱᐊᕈᑎᖏᑦ ᐃᓪᓗᓕᐅᕐᓂᖅ, ᐃᖏᕐᕋᔾᔪᑏᑦ, ᓂᐅᕕᕐᕖᑦ, ᓱᓇᒃᑯᑖᖃᖅᑎᑦᑎᔩᑦ, ᒪᑭᑉᐸᓪᓕᐊᒍᑏᑦ, ᐅᖅᓱᐊᓗᖃᐅᑎᖃᖅᑎᑦᓯᓂᖅ ᐊᖏᔫᑎᓂᒃ ᐅᖅᓱᒃᓴᓂᓪᓗ, ᐋᓐᓂᐊᕐᕕᓕᐊᖅᑐᓄᑦ ᑐᔪᕐᒥᕖᑦ, ᓇᕿᑐᐃᓐᓇᕆᐊᓖᑦ ᑐᓴᐅᒪᔾᔪᑏᑦ ᐊᒻᒪᓗ ᓴᓇᖃᑦᑕᕐᓂᖅ ᓴᓇᒡᕕᔾᔪᐊᓂ. 

Website