ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ, ᐃᖅᑲᓇᐃᔮᑦᓴᖅ ᐱᓕᕆᐊᒃᓴᓕᕆᔨ

ᐊᑕᐅᓯᕐᒧᑦ ᐊᕐᕌᒍᒧᑦ ᐃᖅᑲᓇᐃᔮᑦᓴᖅ, ᐊᑕᐃᓐᓇᖅᑎᑕᐅᓯᑐᐃᓐᓇᕆᐊᓕᒃ.

ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ (ᓴᓇᕕᓕᕆᔨᒃᑯᑦ) ᓇᖕᒥᓂᖁᑖᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ, ᐃᓄᐃᑦ ᓇᖕᒥᓂᖁᑎᓪᓚᑦᑖᖓ ᓴᖅᑭᕐᓯᒪᓪᓗᒍ ᐱᕙᓪᓕᐊᑎᑦᓯᔨᐅᖁᓪᓗᒍ ᑯᐊᐳᕇᓴᓐ ᕿᑭᖅᑖᓗᒻᒥ, ᒫᓐᓇ ᐃᖅᑲᓇᐃᔭᖅᑎᓴᕐᓯᐅᖅᑐᖅ ᐱᓕᕆᐊᒃᓴᓕᕆᔨᒥᒃ ᐱᓕᕆᖃᑕᐅᓂᐊᖅᑐᒥᒃ ᐱᕈᕐᐸᓪᓕᐊᔪᒻᒪᕆᐅᔪᒥ ᑲᒻᐸᓂᖁᑎᑦᑎᓐᓂ.

ᐅᖃᖅᑕᕐᕕᖃᕐᓗᓂ ᐊᖓᔪᖅᑳᑉ-ᑐᒡᓕᐊᓄᑦ, ᐱᓇᓱᐊᖅᑐᖅ ᓴᓇᕕᓕᕆᔨᒃᑯᑦ ᐊᖓᔪᖅᑳᒃᑯᕕᖓᓂ ᐃᖃᓗᓐᓂ ᐊᓪᓚᑉᕕᖃᕐᓂᐊᖅᑐᖅ ᐊᒻᒪᓗ ᐱᓕᕆᐊᒃᓴᖃᕐᓗᓂ ᑲᔪᓯᐊᑎᑦᓯᓯᐊᕐᓗᓂ ᐊᐅᓚᑦᓯᓂᕐᒥᒃ ᐃᖅᑲᓇᐃᔭᖅᑎᓴᕐᓯᐅᑎᓂᕐᒥᒃ, ᐃᖅᑲᓇᐃᔭᖅᑎᑖᕐᓂᕐᒥᒃ ᐊᒻᒪᓗ ᐃᖅᑲᓇᐃᔭᕐᓂᐊᖅᑐᓂᒃ ᐋᖅᑭᑦᓱᐃᖃᑦᑕᕐᓗᓂ ᐸᔪᑦᑎᕆᔨᐅᔪᓂᒃ ᐊᒻᒪᓗ ᓴᓗᒻᒪᕐᓴᐃᓂᕐᒧᑦ ᑳᓐᑐᓛᓂᒃ ᐅᖓᓯᑦᑐᒦᑦᑐᓂ ᐃᖅᑲᓇᐃᔭᕐᕕᖕᓂ ᕿᑭᖅᑖᓗᒻᒥ.

ᐱᓕᕆᐊᒃᓴᓕᕆᔨ ᐋᖅᑭᐅᒪᑦᓯᓂᐊᖅᑐᖅ ᒥᐊᓂᕐᓯᔨᐅᓗᓂᓗ ᒪᕐᕉᓐᓂᒃ ᓯᑕᒪᓄᑦ ᐃᖅᑲᓇᐃᔭᖅᑎᖃᕐᓗᓂ, ᐱᓕᕆᖃᑎᖃᕐᓗᓂ ᑕᒻᒫᕐᓯᒪᕕᐅᔪᓂ ᐊᖓᔪᖅᑳᖏᓐᓂᒃ, ᐃᖅᑲᓇᐃᔭᖅᑎᓂᒃ, ᐊᒻᒪᓗ ᐱᓕᕆᔾᔪᔾᔭᐅᔪᓂᒃ ᖃᐅᑕᒫᕐᓯᐅᑎᖃᕐᓗᓂ; ᐊᒻᒪᓗ ᓄᓇᓕᓐᓃᖔᖅᑐᓂᒃ, ᒐᕙᒪᓂᒃ, ᑳᓐᑐᓛᒃᑕᐅᓯᒪᔪᓄᑦ ᐃᑲᔪᖅᑎᓂᒃ ᐊᒻᒪᓗ ᐊᓯᖏᓐᓂᒃ ᑎᒍᒥᐊᖃᑕᐅᔪᓂᒃ ᐱᔭᕆᐊᖃᕐᓂᕐᒥᒍᑦ.

ᐃᖅᑲᓇᐃᔮᖅᑖᖅᑐᖅ ᐃᑲᔪᖃᑦᑕᓂᐊᖅᑐᖅ ᐋᖅᑭᐅᒪᑦᓯᓂᕐᒥᒃ ᒥᐊᓂᕐᓯᓂᕐᒥᓪᓗ ᐊᑐᕆᐊᓕᖕᓂᒃ ᐊᒻᒪᓗ ᐱᓕᕆᐊᓂᒃ ᐱᓕᕆᐊᖑᐃᓐᓇᖅᑐᓄᑦ ᐊᒻᒪᓗ ᐱᓕᕆᐊᕆᔭᐅᔪᒃᓴᒫᓂᒃ: ᐱᓕᕆᐊᑦᓴᓄᑦ ᐸᕐᓇᐸᓪᓕᐊᓂᕐᒥᒃ, ᑲᔪᓯᑎᑦᓯᓂᕐᒥᒃ, ᖃᐅᔨᓴᕐᓂᕐᒥᒃ, ᐅᓂᒃᑳᓕᐅᕐᓂᕐᒥᑦ ᐊᒻᒪᓗ ᒪᑐᓂᖏᓐᓂᒃ ᐱᓕᕆᐊᑦ.

ᓇᖕᒥᓂᖅ ᐱᓇᓱᐊᕈᓐᓇᕆᐊᖃᖅᑐᑎᑦ, ᐃᖅᑲᓇᐃᔭᖃᑦᑕᕐᓗᑎᑦ ᒥᐊᓂᕆᔭᐅᖏᓐᓇᖏᓪᓗᑎᑦ, ᐱᔪᓐᓇᓯᐊᕐᓗᑎᑦ ᐋᖅᑭᐅᒪᑦᓯᓂᕐᒥᒃ ᑎᑎᕋᕈᓐᓇᓂᕐᒥᓪᓗ, ᖃᐅᔨᒪᓂᖃᑦᓯᐊᕐᓗᑎᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᑳᓐᑐᓛᓂᓪᓗ, ᑮᓇᐅᔭᓕᕆᓂᕐᒧᑦ ᐊᐅᓚᑦᓯᒍᑕᐅᓲᓂᒃ/ᑮᓇᐅᔭᓕᕆᔾᔪᑎᓂᒃ ᐊᔪᓐᖏᓐᓂᐅᔭᕆᐊᓕᓐᓂᒃ ᐊᒻᒪᓗ ᖃᐅᔨᒪᔮᖑᓗᑎᑦ ᐋᖅᑭᐅᒪᑦᓯᒍᓐᓇᓯᐊᕐᓂᕐᓂᒃ ᐅᓄᖅᑐᓂᒃ ᐱᓇᓱᐊᕆᐊᓕᓐᓂᒃ ᓇᓗᓇᐃᖅᑐᕐᓯᒪᓂᖏᑎᒍᑦ ᐅᔾᔨᕈᓱᒍᓐᓇᓯᐊᕐᓗᑎᑦ. ᐃᖅᑲᓇᐃᔮᖅᑖᖅᑐᖅ ᐊᑐᐃᓐᓇᐅᒪᒋᐊᓕᒃ ᒫᓐᓇᐃᓇᕐᒧᑦ-ᐋᖅᑭᑦᓯᒪᔪᓂᒃ ᐊᐅᓪᓚᖃᑦᑕᓂᕐᒥᒃ, ᐊᒻᒪᓗ ᐃᓛᓐᓂᓚᐅᓱᖓᖅ ᐃᖅᑲᓇᐃᔭᕆᐊᖃᖃᑦᑕᕐᓗᓂ ᐃᑲᕐᕋᕋᓴᓐᓂᒃ.

ᐱᔪᓐᓇᐅᑎᑖᕐᓯᒪᓃᑦ ᐊᔪᓐᖏᓐᓂᐅᔭᕆᐊᓖᓪᓗ:

  • ᒥᑦᓯᑎᓐᓄᖏᑦᑐᖅ ᐃᓕᓐᓂᐊᕐᕕᐊᓗᒻᒥ ᓇᓗᓇᐃᒃᑯᑕᒻᒪᕆᑦᑖᕈᑎᓂᒃ ᓇᓕᒧᖏᓐᓂᓘᓐᓃᑦ (ᐃᖅᑲᓇᐃᔭᑦᓯᐊᖃᑦᑕᕐᓯᒪᓃᑦ ᐃᓱᒪᒋᔭᐅᒋᐊᕈᓐᓇᕐᒥᔪᖅ)
  • ᐱᓕᐊᒃᓴᓕᕆᔨ ᒥᑦᓯᑎᓐᓅᖏᑦᑐᖅ ᑕᓪᓕᒪᓂᒃ ᐅᑭᐅᓂᒃ ᑕᑉᕗᓐᖓᖓᔪᓂᒃ ᐱᓕᕆᐊᖃᖃᑦᑕᕐᓯᒪᒋᐊᓕᒃ ᐊᒻᒪᓗ ᓇᓗᓇᐃᒃᑯᑕᒻᒪᕆᑦᑖᕐᓯᒪᓗᓂ/ᐃᓕᓴᕆᔭᐅᔾᔪᑎᒻᒪᕆᒻᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ, ᐊᐅᓚᑦᓯᔨᐅᓂᕐᒧᑦ ᓇᓕᒧᖓᓂᓪᓘᓐᓃᑦ ᑲᒪᖃᑦᑕᕐᓯᒪᓗᓂ
  • ᐅᖃᖃᑎᖃᕈᓐᓇᓯᐊᕐᓗᓂ ᐅᖃᐅᓯᒃᑯᑦ ᑎᑎᖅᑲᑯᓪᓗ ᖃᓪᓗᓈᑎᑐᑦ; ᐃᓄᒃᑎᑑᕈᓐᓇᕐᓂᖓ ᐃᑲᔫᑎᓂᐊᕐᒥᔪᖅ ᐃᓱᒪᒃᓴᕐᓯᐅᕈᑕᐅᓂᖓᓄᑦ
  • ᒥᐊᓂᕐᓯᒍᓐᓇᕐᓗᓂ ᐊᒻᒪᓗ ᐋᖅᑭᐅᒪᑦᓯᒍᓐᓇᕐᓗᓂ ᑎᓕᓯᔾᔪᑕᐅᓯᒪᔪᓂᒃ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓪᓗᑎᒃ ᖃᐅᔨᒪᒋᐊᖃᑦᑕᕐᓂᖅ ᖃᐅᔨᓴᕐᓂᖅ ᐃᖅᑲᓇᐃᔭᖅᑎ ᐱᓇᓱᐊᕈᓐᓇᓯᐊᕐᓂᖓᓂᒃ, ᐃᖅᑲᓇᐃᔮᑦᓴᓂᒃ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐊᒻᒪᓗ ᐱᓇᓱᐊᕐᕕᐅᒋᐊᓖᑦ ᑎᓕᓯᔾᔪᑕᐅᓯᒪᔪᑦ ᐋᖅᑭᐅᒪᑎᖃᑦᑕᕐᓗᑎᒃ
  • ᐱᓇᓱᐊᕐᓯᒪᓗᓂ ᐃᖅᑲᓇᐃᔭᖅᑎᓴᕐᓯᐅᓂᕐᒥᒃ, ᐊᐱᖅᓱᓂᕐᒥᒃ ᐃᖅᑲᓇᐃᔮᑦᓴᖅᑖᕋᓱᐊᖅᑐᓂᒃ, ᐊᒻᒪᓗ ᐃᖅᑲᓇᐃᔭᖅᑎᑖᕐᓂᕐᒥᒃ
  • ᑐᓴᕋᑦᓴᓕᕆᔪᓐᓇᓯᐊᕐᓗᓂ ᐃᓄᖕᓄᑦ, ᐅᖃᖃᑎᖃᑦᓯᐊᕈᓐᓇᓯᐊᕐᓗᓂ ᐅᐃᒪᔮᓐᖏᓪᓗᓂ ᐊᒻᒪᓗ ᐃᑉᐱᒍᓱᑦᓯᐊᕐᓗᓂ ᖃᓄᐃᑦᑑᒐᓗᐊᕐᐸᑦ ᐅᖃᐅᓯᕆᒋᐊᓕᖓ
  • ᖃᐅᔨᒪᓂᖃᕐᓗᓂ ᐊᓪᓚᑉᕕᖕᒨᖓᔪᓂᒃ ᐱᓕᕆᐊᖑᓲᓂᒃ ᐱᓕᕆᒍᓯᕐᓂᓪᓗ
  • ᖃᕆᓴᐅᔭᒃᑯᑦ ᑎᑎᕋᕈᑎᓕᕆᒍᓐᓇᓯᐊᕐᓗᓂ Microsoft Office: Word, Excel, Outlook ᐊᒻᒪᓗ PowerPoint
  • ᑕᑎᒋᔭᐅᔪᓐᓇᓯᐊᕐᓗᓂ, ᐋᖅᑭᐅᒪᑦᓯᒍᓐᓇᓯᐊᕐᓗᓂ ᖃᓄᖅᑑᕈᓐᓇᑦᓯᐊᕐᓗᓂ

ᑮᓇᐅᔾᔭᑦᓵᖓ: ᖃᓄᐃᓕᖓᑎᑕᐅᒋᐊᕈᓐᓇᖅᑐᖅ ᑮᓇᐅᔾᔭᒃᓴᐅᑎᖓ ᓇᓗᓇᐃᖅᑕᐅᓂᐊᖅᑐᖅ ᐱᓕᕆᓯᒪᓂᖓᒍᑦ ᐃᓕᓐᓂᐊᕐᓯᒪᓂᖓᒍᓪᓗ ᐃᓚᐅᓪᓗᑎᒃ ᐃᑲᔫᓯᐊᖅᑖᕆᔭᐅᕙᑦᑐᑦ ᐱᔪᒐᕐᓇᕈᑎᖏᑦ.
ᐃᖅᑲᓇᐃᔮᑦᓴᖅ ᓈᓴᐅᑖ – 2015-005
ᐱᔪᒐᕐᓴᐅᑎᑎᑦ ᐊᐅᓪᓚᖅᑎᒍᓐᓇᖅᑕᑎᑦ ᐃᓚᖃᕐᓗᑎᒃ ᐱᔪᒐᕐᓴᐅᑎᒥᒃ ᑎᑎᖅᑲᒥᒃ ᐊᒻᒪᓗ ᒪᕐᕉᓐᓂᒃ ᖃᐅᔨᒋᐊᕐᕕᓵᓐᓂᒃ ᐅᕗᖓ:

ᕿᑭᖅᑖᓗᒃ ᑯᐊᐳᕇᓴᓐ
ᐃᖅᑲᓇᐃᔭᖅᑐᓕᕆᔨ
krhunt@qcorp.ca
ᓱᒃᑲᔪᒃᑰᕈᑖ: (867) 979-8433

ᑎᑎᖅᑲᖃᐅᑖ 1228
ᐃᖃᓗᐃᑦ, ᓄᓇᕗᑦ, X0A-0H0
www.qcorp.ca
ᐅᖄᓚᐅᑖ: (867) 979-8445

ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ ᓯᕗᓪᓕᐸᐅᔾᔨᓂᐊᖅᑐᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐊᑎᖃᖃᑕᐅᔪᓂᒃ. ᑕᐃᒃᑯᑐᐊᑦ ᐃᖅᑲᓇᐃᔮᖅᑖᕋᓱᐊᖅᑐᓂ ᐊᐱᖅᓱᖅᑕᐅᔪᑦᓴᒫᑦ ᖃᐅᔨᒃᑲᖅᑕᑑᓂᐊᖅᑐᑦ.