ᕿᑭᖅᑖᓗᒃ ᓇᒻᒥᓂᓕᓐᓄᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ (QBDC)

ᑐᕌᒐᓪᓗᐊᑕᖏᑦ ᐅᖃᐅᓰᑦ:

ᐱᒐᓱᐊᖃᑦᑕᕐᓗᑎᒃ ᒪᑭᒪᐅᑎᒃᓴᓂᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪᓗ ᐱᖁᑎᕐᔪᐊᓂᒃ ᓇᑉᐸᖅᑎᕆᓂᕐᓂᒃ ᐃᓗᐊᓂ 13 ᓄᓇᓖᑦ ᕿᑭᖅᑕᓃᑦᑐᓂ ᐱᐅᓯᕚᓪᓕᑎᑦᑎᒐᔭᖅᑐᓂᒃ ᓄᓇᓕᐅᑉ ᐊᔪᓐᖏᓐᓂᖏᓐᓂᑦ ᐃᒻᒥᓂᓪᓗ ᒪᑭᒪᔪᓐᓇᕐᓂᖏᓐᓂᑦ ᓴᖅᑮᖃᑦᑕᕐᓗᑎᒃ ᐱᒐᓱᐊᕋᒃᓴᓂᑦ ᐱᐅᓯᕚᓪᓕᑎᑦᑎᒐᔭᖅᑐᓂᒃ ᑕᒫᓂ ᐃᓄᓐᓄᑦ ᓇᒻᒥᓂᖃᐅᑎᒋᔭᐅᔪᓂᒃ ᐊᒻᒪᓗ ᐃᓅᓯᓕᒫᒧᑦ ᐃᖅᑲᓇᐃᔮᖑᒍᒪᔪᓂᒃ, ᑕᕝᕙᓴᐃᓐᓇᖅ ᓱᒋᐊᖅᓯᓗᓂ ᐱᑕᖃᕆᐊᖃᓪᓚᕆᑦᑐᓂᒃ ᐱᖁᑎᕐᔪᐊᓂᒃ ᐱᑕᖃᓐᖏᑦᑐᓂᒃ ᑕᒪᐅᓇ ᑲᑐᔾᔨᖃᑎᒌᓐᓂᒃᑯᑦ, ᐆᑦᑐᕋᖃᑦᑕᓂᒃᑯᑦ ᐊᒻᒪᓗ ᑮᓇᐅᔭᓂᒃ ᐱᕈᖅᑎᑕᐅᒐᓱᐊᖅᑐᓂᒃ ᐃᓕᐅᖅᑲᐃᓂᒃᑯᑦ.

ᓇᒻᒥᓂᖃᐅᑎᐅᑉ ᑐᕌᒐᓪᓗᐊᑕᖓ:

ᕿᑭᖅᑖᓗᒃ ᓇᒻᒥᓂᓕᓐᓄᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᓴᖅᑮᒐᓱᐊᕐᓂᐊᖅᐳᖅ ᐊᔾᔨᐅᖏᑦᑐᒥᒃ ᑲᑐᔾᔨᖃᑎᒌᓐᓂᐅᔪᒥᒃ ᐃᓛᒃᑯᑦ ᐃᓘᓐᓇᖏᓐᓂᑦ 13−ᓂᑦ ᓄᓇᓕᓐᓂᑦ ᕿᑭᖅᑕᓃᑦᑐᓂ ᓄᓇᕗᒥ ᐱᕕᖃᖅᑎᑦᑎᒐᔭᖅᑐᒥᒃ ᑮᓇᐅᔭᓂᒃ ᐃᓕᐅᖅᑲᐃᕕᐅᔪᓐᓇᕐᓗᓂ ᑕᕝᕗᖓᓪᓚᕆᒃ ᐅᕝᕙᓘᓐᓃᑦ ᐊᓯᐊᓂ ᐊᖅᑯᑎᖃᕐᓗᓂ ᐃᑲᔪᖅᓰᔪᓂᒃ ᒪᓕᑦᑐᓂᒃ ᒐᕙᒪᑐᖃᒃᑯᑦ, ᓄᓇᕘᑉ ᒐᕙᒪᖓᑕ ᐊᒻᒪᓗ ᓇᒻᒥᓂᖃᐅᑎᓖᑦ ᑮᓇᐅᔭᖏᑦ ᐃᓕᐅᖅᑲᖅᑕᐅᓯᒪᔪᑦ ᓴᖅᑮᒐᓱᐊᖅᑐᑎᒃ ᐱᑕᖃᕆᐊᖃᓪᓚᕆᑦᑐᓂᒃ ᐱᖁᑎᕐᔪᐊᓂᒃ ᐊᒻᒪᓗ ᐊᑐᖅᑕᐅᓚᐅᖅᓯᒪᓐᖏᑦᑐᓂᒃ ᓄᓇᓕᓐᓂᑦ ᐱᕙᓪᓕᐊᑎᑦᑎᒐᓱᐊᕐᓂᐅᔪᓂᒃ ᐊᒻᒪᓗ ᐃᓅᓯᓕᒫᒧᑦ ᐃᖅᑲᓇᐃᔮᒃᓴᓂᑦ ᐱᒋᐊᖅᑎᑦᑎᒐᓱᓐᓂᒃᑯᑦ.

ᐱᓕᕆᐊᕗᑦ